ឧស្ម័នកាបូនម៉ូណូអុកស៊ីតជាឧស្ម័នពុលគ្មានពណ៌ គ្មានក្លិន ដែលមានក្នុងផ្សែងបារី។ កាបូនម៉ូណូអុកស៊ីតក៏ធ្វើឱ្យ O2ដែលមាននៅក្នុងឈាមជ្រាបចូលទៅក្នុងសាច់ដុំនិងសរីរាង្គផ្សេងៗដោយលំបាក។ ដូចនេះនៅពេលពួកគេជក់បារី បេះដូងរបស់ពួកគេខំធ្វើការយ៉ាងខ្លាំងតែបានផលតិចតួច។

នីកូទីនសារធាតុពុលនិងញៀនខ្លាំងបំផុត។ ប្រសិនបើគេចាក់វាមួយដំណក់បញ្ចូលទៅក្នុ្ងងកណ្ដុរ នោះវានិងស្លាប់ភ្លាម។ នីកូទីន៧ដំណក់ អាចសម្លាប់សត្វគោ១ក្បាលបាន។ កាលណាយើងចុកថ្នាំឬស្រូបផ្សែងបារី នីកូទីននឹងជ្រាបចូលយ៉ាងរហ័ស ទៅក្នុងសរសៃឈាមនៃមាត់ ច្រមុះ ឬសួត។ បន្ទាប់មកវាចែកចាយទៅក្នុងសរីរាង្គទាំអស់នៅក្នុងសារពាង្គកាយ។ ដោយសារតែសារធាតុនេះ ទើបអ្នកជក់បារីញៀន ហើយមិនអាចបញ្ឈប់ការជក់បារីបានភ្លាមៗឡើយ។

ឥទ្ធិពលរបស់ថ្នាំនៅក្នុងរាងកាយអាស្រ័យទៅនឹង៖
• ប្រភេទរបស់ថ្នាំ
• បរិមាណឱសថដែលមនុស្សម្នាក់ៗប្រើប្រាស់
• វិធីប្រើប្រាស់ឱសថនោះ។

ការប្រើប្រាស់ឱសថដោយសុវត្ថិភាពមានដូចជា៖
• ប្រើប្រាស់ឱសថតាមដំបូន្មានគ្រូពេទ្យ។
• ត្រូវពិភាក្សាជាមួយអ្នកឯកទេសពេទ្យសិនមុននិងប្រើប្រាស់ឱសថណាមួយ។
• ត្រូវតែអានបញ្ជានៅលើស្លាកថ្នាំជានិច្ចមុនពេល
អ្នកប្រើឱសថ។
• អ្នកមិនត្រូវប្រើប្រាស់ឱសថដែលមនុស្សមិនស្គាល់ណាម្នាក់ឲ្យអ្នកទេ។
• ត្រូវបោះចោលឱសថចាស់់ៗ ឬឱសថគ្មានស្លាកបិទ។
• គ្រប់ឱសថត្រូវដាក់ឱ្យផុតពីដៃកុមារតូចៗ ដើម្បី
ចៀសវាងគ្រោះថ្នាក់ដល់កុមារ។