សារពាង្គកាយបរាសិតបំផ្លាញសារពាង្គកាយធ្មួល ដោយវាធ្វើឱ្យសកម្មភាពមេតាបូលីសរបស់សារពាង្គកាយធ្មួលចុះខ្សោយ ឬផ្អាក និងជាយថាហេតុសម្លាប់ធ្មួល។

ភាពប្រជួយ កើតមាននៅក្នុងចំណោមភាវ:រស់ដូចជា រុក្ខជាតិ ប្រូទីស និងផ្សិត។ឧទាហរណ៍ កណ្ដៀររស់នៅក្នុងកំណាត់ឈើពុកមួយ។ វាស៊ីឈើប៉ុន្តែមិនអាចរំលាយឈើបានឡើយ។ ឈើមិនអាចប្រើប្រាស់ជាថាមពលនៅក្នុងសារពាង្គកាយកណ្ដៀរ។ មានតែប្រូទីសមួយប្រភេទដែលរស់នៅក្នុងប្រដាប់រំលាយអាហាររបស់កណ្ដៀរ ដែលអាចរំលាយឈើបាន។ ដូចនេះប្រូទីសរំលាយឈើសម្រាប់កណ្ដៀរ ហើយកណ្ដៀរក៏អាចប្រើឈើដែលរំលាយជាថាមពល។ប្រូទីសជ្រកក្នុងខ្លួនកណ្ដៀរ។ប្រូទីសក៏ប្រើឈើជាថាមពលសម្រាប់ពួកវាដែរ។

សហប្រាណជាទំនាក់ទំនងមួយដែលនៅក្នុងនោះសារពាង្គកាយមួយរស់នៅក្បែរ លើ ឬក្នុងសារពាង្គកាយមួយផ្សេងទៀតហើយផ្តល់ផលប្រយោជន៍ឱ្យគ្នាទៅវិញទៅមក។
-ទំនាក់ទំនងសហប្រាណមានបីប្រភេទគឺ៖ ភាពប្រជួយ ភាពបន្លម និងបរាសិតភាព។

ស្ថានប្រព័ន្ធធម្មជាតិ និងច្នៃប្រឌិតខុសគ្នាដូចតទៅ៖
• ស្ថានប្រព័ន្ធធម្មជាតិ ពុំមានការថែរក្សាទេ គ្មានការត្រួតពិនិត្យដោយមនុស្ស។ដូចនេះវាមិនត្រូវការថាមពលបន្ថែមដើម្បីរក្សាផលិតភាពរបស់វា។
ភាវ:រស់ទាំងឡាយលូតលាស់ដោយឯកឯងក្នុងស្ថានប្រព័ន្ធធម្មជាតិ។
• ស្ថានប្រព័ន្ធច្នៃប្រឌិត ទទួលរងអំពើជាច្រើនពី
មនុស្ស។ឧទាហរណ៍ ស្ថានប្រព័ន្ធវាលស្រែមួយ មនុស្សជាអ្នកកំណត់លក្ខខណ្ឌឱ្យ ដូចជា ភ្ជួរ រាស់ដី ស្ទូងស្រូវ ដាក់ជី បញ្ចេញ ឬបញ្ចូលទឹកជាដើម…។
ដូចនេះ ភាវ:រស់មិនអាចលូតលាស់ដោយឯកឯងដូចស្ថានប្រព័ន្ធធម្មជាតិបានទេ។មនុស្សធ្វើសកម្មភាពដើម្បីទទួលផលពីស្ថានប្រព័ន្ធវាលស្រែ។