ជំងឺដែលកើតនៅផ្នែកផ្សេងៗលើដំណាំមាន៖
១ ឬស
• ឫស ពេលរងការបំផ្លាញពីជំងឺធ្វើអោយរុក្ខជាតិឈប់លូតលាស់ ជ្រុះស្លឹក ស្វិតស្រពោនយ៉ាងលឿន ។
២ គល់ដំណាំ
• គល់ដំណាំ ពេលរងការបំផ្លាញពីជំងឺគល់ដំណាំមានពណ៌ក្រម៉ៅប្រផះ ឫសដាច់ត្រឹមគល់ ហើយផ្សិតនៅគល់ ។
៣ ដើម មែក
• ដើមមែក ពេលរងការបំផ្លាញពីជំងឺធ្វើអោយប្រព័ន្ធដឹកនាំរុក្ខរសត្រូវរាំងស្ទះហើយរោគសញ្ញាឃើញមានលើស្លឹក ផ្កា និងផ្លែ ។
៤ ស្លឹក
• ស្លឹកមាន៖
• ជំងឺរលាក បង្កអោយបែកញើសក្រោមស្លឹកប្រែជាស្លោកបាក់រលួយ ។
• ជំងឺអុច មានអុចៗ ពណ៌ច្រេះលើផ្ទៃស្លឹកខាងក្រោមហើយឆ្លងដល់ផ្ទៃស្លឹកខាងលើ ។
• ជំងឺក្រាភ្លើង មានស្លឹកពណ៌ក្រហម(រួញដូចនំក្រៀប)និងឆ្លងរាលដាលពេលអាកាសធាតុស្ងួត ។

សត្វល្អិតចង្រៃមាន៖ពពួកមមាច មេស្រឹង ទាកគូ ឬចៀកគូបំផ្លាញស្លឹក ពពួកចៃ ពពួកខ្មូត ពពួកដង្កូវ ទ្រីព មេអំបៅដង្កូវបំពង់កាត់ស្លឹក ពពួករុយ អណ្តើតមាសស៊ីស្លឹក ពពួករុយស។

ពួកផ្សិត និងវីរុសបង្កជំងឺលើសត្វចង្រៃដូចជា៖
-ពួកផ្សិត ដើរតួសំខាន់ណាស់ក្នុងការសម្លាប់សត្វមមាចគ្រប់ប្រភេទ។ប្រភេទផ្សិតខ្លះទៀតបង្កជំងឺលើសត្វល្អិតច្រើនប្រភេទដូចជាសត្វល្អិតពពួកស្លាបរឹង(ខ្ញុង ខ្មូត កញ្ចែ អណ្តើកមាស រុយស ចៃ)។

បរាសិតខុសពីសត្វរំពាដោយវាអាចរស់នៅជាមួយសត្វល្អិតចង្រៃតែមួយក៏បាន ឯសត្វរំពាវិញត្រូវការរស់នៅកន្លែងណាដែលមានសត្វល្អិតចង្រៃច្រើន។ ដូចនេះហើយទើបបរាសិតអាចស្វែងរកសត្វល្អិតចង្រៃឃើញ សូម្បីតែសត្វល្អិតចង្រៃមានតែបន្តិចបន្តួចក៏ដោយ។

ប្រសិនបើសត្វចង្រៃកើតមានបន្តិចបន្តួចនិងមិនទាន់ដល់កម្រិត
ដែលយើងសន្មត់ថា វាបំផ្លាញឲ្យខូចដំណាំយើងទេយើងគួរគប្បីថែទាំវា
ទុកគ្រាន់ជាចំណីអាហារដល់សត្វដែលមានប្រយោជន៏ឲ្យវាបន្តពូជបានច្រើន។