វិធីសាស្រ្តក្នុងការការពារទប់ទល់នឹង សត្វល្អិតដែលបំផ្លាញដំណាំ
មាន៖ ការធ្វើរបាំងការពារ ការបញ្ឆោតរុយ ដាក់អន្ទាក់ ដាំដំណាំ អូសទាញសត្វល្អិតកុំឲ្យស៊ីដំណាំ ដោតឈើរឹងជិតដើមឲ្យរួចផុតពីការ
បំផ្លាញដង្កូវស៊ីស្លឹក យកសំបកពងបែកដាក់ជុំវីញកូនដំណាំដើម្បីការពារ
ការបំផ្លាញពីសត្វខ្យង។

គោលការណ៍ធម្មជាតិក្នុងការថែរក្សាដំណាំមានដូចជា៖
• កែលម្អដីឱ្យមានជីជាតិ
• ជ្រើសរើសដំណាំសម្រាប់ដាំឱ្យសមស្របទៅនឹងរដូវកាលនិងប្រភេទដី។
• គ្រប់គ្រងនិងថែរក្សាកូនដំណាំឲ្យបានល្អ។
• ជ្រើសរើសដំណាំសម្រាប់ដាំឲ្យសមស្របទៅនឹងរដូវកាលនិងប្រភេទដី។
• យកចិត្តទុកដាក់ការពារកុំឱ្យសត្វល្អិតបំផ្លាញដំណាំ។
• ដកស្មៅបំផុសដីឱ្យបានល្អ។
• កុំដាំដំណាំកៀកគ្នាពេក។
• ដកចោលដំណាំដែលត្រូវបំផ្លាញដោយជំងឺ។
• អនុវត្តនូវប្រព័ន្ធដាំដុះចម្រុះ
• បង្ហូរទឹកបានគ្រប់គ្រាន់
• បង្កលក្ខខណ្ឌសមស្របសម្រាប់សត្វល្អិតមានប្រយោជន៏ដើម្បីបំផ្លាញសត្វល្អិតចង្រៃ។
• ដាំដំណាំណាដែលបណ្តេញសត្វល្អិត។

វីធីកំចាត់សត្វល្អិតបែបដាំដុះមាន ៖
• ដំណាំឆ្លាស់ៈ អាចផ្តាច់ខួបបំផ្លាញរបស់សត្វល្អិតនិងជំងឺផ្សេងៗ។
• ការភ្ជួរដីជ្រៅៈ អាចបំផ្លាញសម្លាប់កូនញាស់របស់សត្វល្អិតចង្រៃ។
• ការសាបៈ មុនឬក្រោយពេលកំណត់តាមប្រភេទដំណាំគឺគេជ្រើសរើសពេលសាបដោយធ្វើយ៉ាងណាឱ្យដំណាំលូតលាស់មុនពេលសត្វល្អិតចង្រៃកើតមាន។

វិធីកំចាត់សត្វល្អិតតាមបែបគីមី៖
ជាវិធីមួយដែលផ្តល់លទ្ធផលបានយ៉ាងឆាប់រហ័ស។វិធីនេះទប់ស្កាត់សត្វល្អិតចង្រៃមិនឱ្យបំផ្លាញដំណាំបានទាន់ពេលវេលា។ប៉ុន្តែអាចបំផ្លាញសុខភាពមនុស្សនិងបំពុលបរិស្ថានផងដែរប្រសិនបើយើងមិនបានយល់ពីរបៀបប្រើប្រាស់ថ្នាំពុលកសិកម្មដោយសុវត្ថិភាព ។

វិធីកំចាត់សត្វល្អិតបំផ្លាញដំណាំដំណាំតាមបែបមេកានិចមាន៖
• ការស្ទាក់ចាប់សត្វល្អិតក្នុងដំណើរចររបស់វា
• ប្រើល្បាយអាហារដែលមានជាតិពុលចំពោះសត្វល្អិតទិចផ្លែ។
• ដាក់ក្រវាត់នេះនៅលើដងដើមរបស់រុក្ខជាតិស្ទាក់ស្រមោច
• ប្រមូលចាប់សត្វល្អិត
• ការប្រមូលផលមុនកំណត់ៈ កុំឱ្យសត្វល្អិតចង្រៃកើតមានច្រើននៅចុងបញ្ចប់នៃការលូតលាស់នៃដំណាំ។