ណឺរ៉ូនវិញ្ញាណនាំមាននាទីដឹកនាំអាំងភ្លុចប្រសាទទៅ កាន់ខួរក្បាលនិងខួរឆ្អឹងខ្នង។ ណឺរ៉ូនខ្លះទៀតចាប់យកអាំងភ្លុចប្រសាទពីមជ្ឈដ្ឋានខាងក្នុងសារពាង្គកាយ និងខ្លះទៀតចាប់យកអាំងភ្លុចប្រសាទពីមជ្ឈដ្ឋានខាងក្រៅសារពាង្គកាយ។

ធ្មួលវិញ្ញាណជាកោសិកាប្រសាទទាំងឡាយណាដែលស្ថិតនៅក្នុងសរីរាង្គវិញ្ញាណផ្សេងៗ ។ ធ្មួលវិញ្ញាណមាននាទី ចាប់យករំញោចផ្សេងៗដូចជា ពន្លឺ សូរសំឡេង កម្ដៅ… ពីមជ្ឈដ្ឋានខាងក្រៅសារពាង្គកាយ។

អាក់សូនជាពន្លយមួយដែលធំ ហើយវែងស្ថិតនៅចុងម្ខាងទៀតនៃតួកោសិកាវាមាននាទីទទួលយកព័ត៌មានពីតួកោសិកាហើយបញ្ជូនទៅកាន់ណឺរ៉ូនផ្សេងទៀតឬទៅកាន់សាច់ដិំនិងក្រពេញ។

ចុងម្ខាងៗនៃតួកោសិកាណឺរ៉ូនមានសរសៃឆ្មារៗហើយខ្លីហៅថាដង់ឌ្រីត។

អាំងភ្លុចប្រសាទ(ចរន្តប្រសាទ)គឺជាព័ត៌មានទាំង ឡាយណាដែលណឺរ៉ូនដឹកនាំមានលក្ខណៈជាសញ្ញាអគ្គិស-នី។ ឧទារហណ៍: នៅពេលដៃរបស់អ្នកប៉ះវត្ថុក្ដៅភ្លាម អាំងភ្លុចធ្វើដំណើរតាមបណ្ដោយណឺរ៉ូន ទៅកាន់ខួរឆ្អឹងខ្នង។ បន្ទាប់មកខួរឆ្អឹងខ្នងបញ្ជូនព័ត៌មាននេះតាមណ្ដោយណឺរ៉ូនផ្សេងទៀត ទៅកាន់សាច់ដុំ ហើយបណ្ដាលឲ្យសាច់ដុំ កន្ត្រាក់។