សរសៃប្រសាទលលាដ៍ក្បាលមានទំនាក់ទំនងជាមួយ សរីរាង្គវិញ្ញាណដូចជា ភ្នែក ច្រមុះ មាត់ ត្រចៀក ស្បែកនិងទម្រង់ផ្សេងៗទៀតរបស់ក្បាលនិងកញ្ជឹងក។

បរិមណ្ឌលប្រសាទកើតឡើងពីសរសៃប្រសាទជាច្រើនដែលបង្កឡើងពីបាច់អាក់សូន(បាច់ប្រសាទ)។វាមាននាទីដឹកនាំព័ត៌មានរវាងមជ្ឈមណ្ឌលប្រសាទនិងផ្នែកផ្សេងៗនៃសារពាង្គកាយ។

ប្រព័ន្ធប្រសាទបង្កឡើងពីមជ្ឈមណ្ឌលប្រសាទនិងបរិមណ្ឌលប្រសាទ។

ខួរកញ្ចឹង ក ជាផ្នែកទី៣និងតូចបំផុតរបស់ខួរក្បាល លាតសន្ធឹងចេញពីខួរតូចហើយភ្ជាប់ខួរក្បាលទៅនឹងខួរឆ្អឹងខ្នង។ ខួរកញ្ចឹង ក ត្រួតពិនិត្យសកម្មភាពជាច្រើនដូចជា ចង្វាក់បេះដូង ចង្វាក់ដង្ហើម សម្ពាធឈាម ការក្អក កណ្តា-ស់ ការលេបអាហារ និងការរំលាយអាហារដែលសកម្មភាពទាំងនេះត្រូវបានខួរកញ្ចឹង ក ត្រួតពិនិត្យដោយស្វ័យប្រវត្តិ។

ផ្នែកទី២នៃខួរក្បាលជាខួរតូច ដែលសណ្តូកនៅចំពីខាងក្រោមផ្នែកខាងក្រោយនៃខួរធំ។ខួរតូចចែកជាអឌ្ឍគោលខួរពីរ ហើយនៅពីលើខួរតូចមានចង្អូរជ្រៅៗជាច្រើន។ខួរតូចមានទំហំតូចជាងខួរធំយ៉ាងច្រើន។ ខួរតូចបញ្ជាចលនាសាច់ដុំឱ្យធ្វើការព្រមគ្នានិងរលូន ជួយសារពាង្គកាយឱ្យមានលំនឹងផងដែរ។ការខូចខាតខួរតូច បណ្តាលឱ្យមានចលនាកន្រ្តាក់ៗឬបាត់បង់តុលRead more