បាក់តេរីឱ្យទោសបង្ករោគតាមរបៀបពីរបែបគឺ៖
• វាបំផ្លាញកោសិការបស់សរីរាង្គណាមួយនៃសារពាង្គកាយ។
ឧទាហរណ៍ ជំងឺរបេងជាជំងឺដែលបង្កឡើងដោយបាក់តេរីបំផ្លាញកោសិកាសួត។
• វាផលិតជាតិពុលហៅថាតុកស៊ីន នៅក្នុងអាហារដែលធ្វើឱ្យអាហារមានជាតិជូរ(ផ្អូម)ហើយបង្កទុក្ខទោសនៅពេលបរិភោគ។
ឧទាហរណ៍ បាក់តេរីមួយប្រភេទឈ្មោះ ក្លូទ្រីឌីយូមទុយលីនូម ជាបាក់តេរីដែលផលិតជាតិពុល(តុកស៊ីន)យ៉ាងសាហាវដល់គ្រប់ចំណីអាហារ។

បាក់តេរីមានរបៀបឆ្លងច្រើនបែប បាក់តេរីខ្លះឆ្លងតាមចរន្តខ្យល់ក្រោមតំណក់តូចៗដែលកើតពីការក្អក ឬ
កណ្តាស់។ ខ្លះទៀតឆ្លងតាមទឹកឬភេសជ្ជៈផ្សេងៗ។ មួយចំនួនទៀតអាចឆ្លងតាមការប៉ះពាល់ផ្ទាល់ ដូចជាការចាប់ដៃ ឬការប្រើប្រាស់សម្ភារៈរួមជាមួយអ្នកជំងឺ។

គេចែកបាក់តេរីជាបីប្រភេទគឺ៖
• បាក់តេរីមានរាងស៊្វែរហៅថា កុកស៊ី
• បាក់តេរីមានរាងដណបងហៅថា បាស៊ី
• បាក់តេរីមានរាងស្ពៀហៅថា ស្ពៀរីឡូម។

បាក់តេរីជាសារពាង្គកាយឯកោសិកា ហើយគ្មានណ្វៃ-យ៉ូពិតប្រាកដ។មាននៅក្នុងបរិស្ថានជុំវិញខ្លួនយើងដូចជាក្នុងខ្យល់ ទឹក ដី និងក្នុងសារពាង្គកាយមនុស្ស សត្វ និងរុក្ខ
ជាតិ។
– បាក់តេរីមានទំហំតូចពី 0.001mm ដល់ 0.005mm។

គ្រប់វីរុសទាំងអស់មានការបន្តពូជដូចបាក់តេរីយ៉ូផាស កាលណាបាក់តេរីយ៉ូផាសជួបប្រទះបាក់តេរីដែលត្រូវនឹងវា វាភ្ជាប់ខ្លួនទៅនឹងភ្នាសកោសិការបស់បាក់តេរីដោយបញ្ចេញអង់ស៊ីមរំលាយភ្នាសត្រង់ម្តុំភ្ជាប់នោះ។
វីរុសក៏បញ្ចូលសម្ភារៈតំណពូជរបស់វាចូលទៅក្នុងកោសិការបស់បាក់តេរីឯចំណែកសំបកប្រូតេអ៊ីនទុកនៅខាងក្រៅ។ លុះចូលទៅក្នុងកោសិការបស់បាក់តេរីបានហើយសម្ភារៈតំណពូជនិងប្រូតេអ៊ីនរបស់វីរុសត្រូវបានសំយោគ ហើយទៅផ្តុំគ្នាបានជាវីរុសថ្មីៗជាច្រើននៅពេញក្នុងកោសិការបស់បាក់តេរី។ វីរុសថ្មីៗទាំងនេះមានសម្ភារៈតំណពូជនិងសំបកប្រូតេអ៊ីនដូចៗគ្នា ហើយដូចទៅនឹងវីរុសមេ។ ពេលកោសិកាបាក់តេរីត្រូវបានបំផ្លាញអស់ កោសិកានោះក៏ផ្ទុះហើយបញ្ចេញវីរុសថ្មីៗជាច្រើនដែលឆ្លងទៅបំផ្លាញកោសិកាបាក់តេរីផ្សេងៗទៀត។