ដោយទទួលបរាជ័យក្នុងសង្រ្គាមប្រទេសអាល្លឺម៉ង់ អ៊ីតាលី និងជប៉ុនបានបាត់បង់ទឹកដីដែលខ្លួនបាន ដណ្តើមយកពីមុនអស់វិញ។

ផលវិបាកខាងមនុស្សនៃសង្គ្រាមលោកលើកទី២មានដូចជាបានធ្វើឱ្យបាត់បង់ជីវិតមនុស្សប្រមាណ ៤៥លាននាក់។ការបាត់បង់ដ៏ច្រើននេះបណ្តាលមកពីឥទ្ធិពលនៃការទម្លាក់គ្រាប់បែក នយោបាយបំបាត់ពូជសាសន៍ដែលអ៊ីត្លែបានអនុវត្តទៅលើជនជាតិជ្វីប ការបាញ់សម្លាប់ និងសម្លាប់ដោយប្រការផ្សេងៗទៀត។

សហរដ្ឋអាមេរិកបានទម្លាក់គ្រាប់បែកបរមណូទៅលើជប៉ុន ពីរគ្រាប់ គឺទីក្រុងហ៊ីរ៉ូស៊ីម៉ា(ថ្ងៃទី០៦ ខែ សីហា ឆ្នាំ ១៩៤៥) និងណាកាសាគី (ថ្ងៃទី០៩ ខែ សីហា ឆ្នាំ១៩៤៥) ពេលនោះប្រទេសជប៉ុនត្រូវបាត់បង់នូវទឹកដីទាំងអស់ដែលខ្លួនដណ្ដើមបានពីមុន ហើយសង្រ្គាមលោកលើកទី២ក៏ត្រូវបានបញ្ចប់ដោយការបរាជ័យនៃរបបយោធានិយមជប៉ុន។

នៅថ្ងៃទី៣០ ខែ មេសា ឆ្នាំ១៩៤៥ ដែលអ៊ីត្លែដុតសម្លាប់ខ្លួនឯង។

ដោយប្រឈមមុខនឹងស្ថានភាពបរាជ័យ ព្រះមហាក្សត្រអ៊ីតាលី បានផ្តាច់ទំនាក់ទំនងជាមួយមូសូលីនី ហើយព្រះអង្គសព្វព្រះទ័យចុះព្រះហស្តលេខាលើយុទ្ធសន្តិភាពជាមួយអង់គ្លេស និងអាមេរិកជាការបញ្ចប់សង្រ្គាមនៅអ៊ីតាលី។