ដើម្បីលុបបំបាត់គ្រឿងញៀននៅក្នុងសហគមន៍មួយ ខ្ញុំយល់ថា
– ត្រូវនិយាយថា “ទេ” ចំពោះគ្រឿងញៀន
– ផ្សព្វផ្សាយពីផលប៉ះពាល់របស់គ្រឿងញៀននៅក្នុងសហគមន៍ឱ្យបានទូលំទូលាយ
– ប្រសិនបើមានមិត្តភក្ដិប្រើប្រាស់គ្រឿងញៀន ត្រូវជួយពន្យល់ឱ្យឈប់ប្រើ
– ត្រូវរាយការណ៍ដល់អាជ្ញាធរមានសមត្ថកិច្ចចំពោះករណីគ្រឿងញៀន

ការប្រើប្រាស់គ្រឿងញៀន ផ្ដល់ផលប៉ះពាល់
ចំពោះខ្លួនឯង៖
– មិនងងុយដេក និងឃ្លាន
– ខ្លួនប្រាណចុះស្គម
– ខាតបង់ពេលវេលារៀនសូត្រ នាំឱ្យគ្មានការងារធ្វើ រហូតធ្លាក់ខ្លួនក្រ
– សង្គមស្អប់ខ្ពើម
– ងាយឆ្លងរោគ
– បាត់បង់តម្លៃផ្ទាល់ខ្លួន
– បាត់ភាពម្ចាស់ការ វង្វេងវង្វាន់ ប្រកាច់ អាចស្លាប់ទៀងផង
ចំពោះគ្រួសារ៖
– គ្រួសារបាត់បង់កិត្តិយស
– មានអំពើហិង្សាក្នុងគ្រួសារ
– ខាតបង់ទ្រព្យសម្បត្តិ
– បាត់បង់សុភមង្គល និងអំពើអវិជ្ជមានជាច្រើនទៀត
ចំពោះសង្គម៖
– សង្គមមានភាពអនាធិបតេយ្យដូចជាចោរកម្ម ឧក្រិដ្ឋកម្ម ក្រុមក្មេងអន្ធពាល បងតូចបងធំ ការជួញដូរមនុស្ស
– បាត់បង់ធនធានមនុស្ស
– បាត់បង់កំណើនសេដ្ឋកិច្ចជាតិនាំឱ្យសង្គមគ្មានការអភិវឌ្ឍ។

ការប្រើប្រាស់គ្រឿងញៀន ផ្ដល់ផលប៉ះពាល់ដល់សុខភាពផ្លូវកាយ និងផ្លូវចិត្តដូចជា៖
ផ្លូវកាយ៖
– បំផ្លាញសរសៃឈាមតូចៗក្នុងខួរក្បាល និងបេះដូង
– មានជម្ងឺបេះដូង លើសឈាម រលាក និងស្ទះសរសៃឈាម
– ជីពចរដើរញាប់ និងមិនទៀងទាត់
– កម្ដៅកើនឡើង និងបែកញើស
– ស្ងួតមាត់ និងសង្កៀតធ្មេញ
– ប្រស្រីភ្នែករីកធំ កើតបូសស្បែក
– ចុះស្គមជាខ្លាំង
– មានការកន្ត្រាក់សាច់ដុំ
– ដង្កូវស៊ីធ្មេញនិងពុកធ្មេញ
– រសាប់រសល់ ពិបាកអង្គុយស្ងៀម ប្រកាច់ ធ្វើទុក្ខ និងអាចស្លាប់
ផ្លូវចិត្ត៖
– ច្របូកច្របល់ក្នុងចិត្ត គិតផ្ដេសផ្ដាស
– បែកអារម្មណ៍ ឆាប់ភ័យស្លន់ស្លោគិតអ្វីមិនទាន់
– រង្វេងរង្វាន់ ចេះតែសង្ស័យអ្នកដទៃ
– អារម្មណ៍អណ្ដែតអណ្ដូង
– ឆាប់ខឹង មួម៉ៅ ច្រឡោត
– បាត់បង់ការស្រេកឃ្លាន។ល។