សារៈសំខាន់កសិកម្មក្នុងសេដ្ឋកិច្ចមីយ៉ាន់ម៉ា គឺ
• សេដ្ឋកិច្ចប្រទេសនេះផ្អែកលើកសិកម្មជាធំ
• ស្រូវជាដំណាំសំខាន់សម្រាប់បំពេញតម្រូវការក្នុងស្រុក និងសម្រាប់ការនាំចេញ
• បង្កើនប្រាក់ចំណូលដល់ប្រជាកសិករភូមា
• ផ្តល់ការងារដល់ប្រជាកសិករភូមា ។

ប្រទេសភូមាស្ថិតនៅក្រោមអាណនិគមនៃរាជាណាចក្ររួមបានទទួលឯករាជ្យកាលពីថ្ងៃទី៤ ខែមករា ឆ្នាំ ១៩៤៨ ។ ក្រោយឯករាជ្យប្រទេសនេះមានការវិវត្តនយោបាយដូចជា ៖
• ក្រោយឯករាជ្យពីឆ្នាំ ១៩៤៨ ដល់ ១៩៦២ ប្រទេសភូមាជាសាធារណៈរដ្ឋប្រជាធិបតេយ្យមានឈ្មោះថា “សហភាពភូមា”
• របបប្រជាធិបតេយ្យត្រូវបានបញ្ចប់នៅឆ្នាំ ១៩៦២ បន្ទាប់ពីរដ្ឋប្រហារយោធារបស់លោកឩត្តមសេនីយ៍ នេវិន ដែលបានដឹកនាំប្រទេសអស់ជិត ២៦ឆ្នាំ ដែលមានឈ្មោះថា “សហភាពសាធារណៈរដ្ឋសង្គមនិយមភូមា”
• នៅឆ្នាំ ១៩៨៩ បានប្តូរឈ្មោះប្រទេសទៅជា “សហភាពមីយ៉ាន់ម៉ា” ។

បានជាគេថា នៅក្នុងសង្គមបប្រ៊ុយណេមានការប្រកាន់ពូជសាសន៍ ព្រោះគេឃើញជនបរទេសមានចិន ម៉ាឡេ ឥណ្ឌូនេស៊ីចូលមកធ្វើការនៅក្នុងប្រទេសប្រ៊ុយណេ មិនបានទទួលសិទ្ធិអប់រំ និងព្យាបាលដោយឥតគិតថ្លៃដូចជនជាតិម៉ាឡេនិងជនជាតិភាគតិចដែលជាពួកម្ចាស់ស្រុកនោះទេ ។

ក្នុងដំណើរការអភិវឌ្ឍសេដ្ឋកិច្ចតើមេដឹកនាំប្រ៊ុយណេមានវិធានការអនុវត្តដូចខាងក្រោម ៖
• មានលក្ខណៈចម្រុះសហគ្រាសក្នុងស្រុក និងបរទេសត្រឹមត្រូវតាមច្បាប់រដ្ឋ សម្របសម្រួលតាមទំនៀមទម្លាប់និងគិតគូរដល់សុខុមាលភាពប្រជារាស្ត្រ ។
• ចំណូលដែលបានមកពីវិនិយោគនៅឯនាយសមុទ្រយ៉ាងច្រើន ត្រូវបានបំពេញបន្ថែមទៅលើចំណូលដែលបានមកពីផលិតកម្មក្នុងស្រុក ។
• រដ្ឋាភិបាលបានផ្គត់ផ្គងលើផ្នែកសេវាកម្មសុខាភិបាលទាំងអស់ព្រមទាំងឩបត្ថម្ភស្រូវ អង្គរ ផ្ទះសំបែងដល់ប្រជារាស្រ្តទៀតផង ។
• មេដឹកនាំប្រ៊ុយណេបានចិត្តទុកដាក់លើ សហប្រតិបត្តិការសេដ្ឋកិច្ចតំបន់អាស៊ីប៉ាស៊ីហ្វិក សរសេរកាត់ APEC ។
• ផែនការអនាគតដែលបានលើកឡើងបានចែងពីការបង្កើនសមត្ថភាពពលកម្ម ការកាត់បន្ថយចំនួនអ្នកគ្មានការងារធ្វើ ការពង្រីកវិស័យទេសចរណ៍ និងកិច្ចការធនាគារ ។
• ជាទូទៅ គឺធ្វើឱ្យមូលដ្ឋានសេដ្ឋកិច្ច ទទួលបានការរីកចម្រើន ។