ប្រទេសម៉ាឡេស៊ីស្ថិតនៅត្រង់នៅលើឩបទ្វីបមលក្កាភាគខាងត្បូងមួយផ្នែក និងនៅលើកោះប័រនេអូភាគខាងជើងមួយផ្នែក ក្នុងចន្លោះខ្សែស្របទី ១០ និងដល់ទី ៨០ នៃរយៈទទឹងខាងជើងនិងចន្លោះខ្សែបណ្តោយទី ១០០០ ដល់ទី ១២០០ នៃរយៈបណ្តោយខាងកើត ។

ឥណ្ឌាមិនទាន់បានឆ្លងផុតអន្តរភាពប្រជាសាស្រ្តនៅឡើយទេ គឺប្រទេសឥណ្ឌាកំពុងស្ថិតនៅក្នុងអន្តរភាពប្រជាសាស្រ្តនៅឡើយ គឺចាប់ពីបណ្តាឆ្នាំ ១៩០៥០ មកអត្រាមរណៈប្រមាណបានធ្លាក់ចុះអស់ពីរភាគបីដោយសារការរីកចម្រើនផ្នែកអនាម័យនិងសុខភាព និងដោយសារតែការកែលំអផ្នែកផលិតកម្មកសិកម្ម ។ ប៉ុន្តែអត្រាជាតិប្រមាណមិនទាន់ថយចុះបានសមស្របនៅឡើយទេ ។ អត្រាកំណើនប្រជាជនប្រចាំឆ្នាំនៅតែស្ថិតក្នុងកម្រិតខ្ពស់នៅឡើយ (១.៩% ជាមធ្យមនៅចន្លោះឆ្នាំ ១៩៩០-១៩៩៥) និង(១.៤% នៅឆ្នាំ ២០០៩ ។

ប៉ូលជំរុញសេដ្ឋកិច្ចទាំងបីរបស់ចិន គឺ
• តំបន់ប៉េកាំង ធានជីនបានទទួលដោយក្តីសោមនស្សនូវសហគ្រាសកូរ៉េ ឬជប៉ុនដែលមានឯកទេសខាងគ្រឿងបរិក្ខារ ។ ការប្រកាសពីតួនាទីជាអន្តរជាតិរបស់ចិន កើតឡើងស្របគ្នានឹងល្បែងអូឡាំពិកឆ្នាំ ២០០៨ នៅប៉េកាំង ។
• ទីក្រុងស៊ាងហៃ ដោយសារតែមានទំនាក់ទំនងសេដ្ឋកិច្ចជាមួយតៃវ៉ាននិងលោកខាងលិច បានទទួលការរីកចម្រើនមួយយ៉ាងខ្លាំង និងសង្ឃឹមថាអាចក្លាយជាទីក្រុងថ្នាក់ពិភពលោកមួយនៅក្នុងសតវត្សយើងនេះ ។
• តំបន់ត្រីកោណចិនភាគខាងត្បូង តំបន់ជុំវិញក្រុងហុងកុង ដោយសារតែឯកទេសខាងហិរញ្ញវត្ថុ និងកំណើនសហគ្រាសឯកជននៅតំបន់នេះបង្កើតបានជាប៉ូលកំណើនមួយដែលមានឥទ្ធិពលទៅលើផ្នែកមួយនៃអាស៊ីអាគ្នេយ៍ ។

អានុភាពសេដ្ឋកិច្ចចិនមានដូចជា ៖
• ផលិតផលក្នុងស្រុកសរុប (GDP) មានជាង ១២០០ ពាន់លានដុល្លារបានលើកតម្កើងប្រទេសចិនឱ្យទៅស្ថិតនៅជួរទី៦ នៃពិភពលោក ។
• បច្ចុប្បន្ននេះ ប្រទេសចិនបានជាប់ចំណាត់ថ្នាក់លេខ ៣ ។ ប៉ុន្តែចង្វាក់នៃកំណើនប្រចាំឆ្នាំ ៧% ឬ ៨% ជួនកាល ៩% ឯណោះទេ ដែលបង្ហាញស្ថានភាពសេដ្ឋកិច្ចដ៏ចម្លែករបស់ចិន ។
• ពាណិជ្ជកម្មក្រៅប្រទេសក៏មានការលូតលាស់ខ្លាំងក្លាណាស់ដែរ ។ ក្នុងរយៈពេលមិនដល់ ២០ឆ្នាំផង ប្រទេសចិនបានឡើងពីជូរទី៣២ មកជួរទី៩ លើពិភពលោក ។
• ជញ្ជីងពាណិជ្ជកម្មចិនទទួលបានចំណេញច្រើន (ជាឆង ១០០ពាន់លានដុល្លារ ក្នុងការធ្វើពាណិជ្ជកម្ម ជាមួយសហរដ្ឋអាមេរិកកាលពីឆ្នាំ ២០០២) ហើយអាចឱ្យចិនប្រមូលប្រាក់កម្រៃពីការលក់ដូចបានយ៉ាងច្រើនសម្បើមនិងមានសមត្ថភាពវិនិយោគខ្លាំងក្លាទៀតផងឺ ។
• នៅឆ្នាំ ២០០៩ នេះចិនបានលេខ២ ខាងការនាំចេញ និងលេខ ៤ខាងនាំចូល ។
• សព្វថ្ងៃប្រទេសចិនដែលស្ថិតនៅជួរទី ៤ ក្នុងពិភពលោក ផលិតម៉ាស៊ីនថត (ពាក់កណ្តាលនៃផលិតផលពិភពលោក) ទូរទស្សន៍ ៣០% នៃការផលិតផលពិភពលោក គ្រឿងអេឡិចត្រូនិចប្រើប្រាស់ប្រចាំគ្រួសារ ២៥% នៃផលិតផលពិភពលោក ។ ផលិតផលទាំងនេះ មួយភាគធំបានមកពីឩស្សាហកម្មដែលបំបែកទីតាំងរបស់បរទេស ហើយដែលនៅតែបន្តធ្វើវិនិយោគយ៉ាងសម្បើម ។
• ការដ្ឋានធំៗ (សង្កាត់ពូដុង នៅស៊ាងហៃ ទំនប់ទឹកបីច្រក អាកាសយានដ្ឋាន យន្តបថ ) អាចជួយផ្គត់ផ្គង់គ្រឿងបរិក្ខារដល់ប្រទេសចិនបាន ។