ស្ថាប័ននយោបាយសំខាន់ៗទាំងបីនៅប្រទេសចិន គឺ
• អំណាចនីតិប្រតិបត្តិ ជារបស់គណៈប្រធានរដ្ឋ និងគណៈប្រធានរដ្ឋាភិបាល។ គណៈប្រធានរដ្ឋ មានប្រធានាធិបតីមួយរូប និងអនុប្រធានាធិបតីលមួយរូបដែលត្រូវបោះឆ្នោតជ្រើសតាំងដោយសមាជប្រជាជនចិនសម្រាប់អាណត្តិ ៥ឆ្នាំ។ គណៈប្រធានរដ្ឋាភិបាល មាននាយករដ្ឋមន្ត្រីមួយរូប និងឩបនាយករដ្ឋមន្ត្រីតែងតាំងដោយប្រធានាធិបតីដោយមានការយល់ព្រមពីសមាជប្រជាជនចិនផងដែរ ។
• អំណាចនីតិបញ្ញត្តិ ជារបស់សមាជប្រជាជនចិនតែមួយគត់ មានចំនួន២៩៨៧ អាសនៈដែលត្រូវបោះឆ្នោតជ្រើសតាំងសមាជប្រជាជនក្រុងតំបន់ ខេត្ត និងងដោយកងទ័ពរំដោះប្រជាជនសម្រាប់អាណត្តិ ៥ឆ្នាំ ។
• អំណាចតុលាការ ជារបស់តុលាការជាន់ខ្ពស់នៃប្រជាជនចិន (ចៅក្រម កាត់ក្តីតែងតាំងដោយសមាជប្រជាជនចិន ) និងតុលាការតំបន់ (តុលាការ មូលដ្ឋាន កណ្តាល និងជាន់ខ្ពស់) និងតុលាការពិសេសនៃប្រជាជន(តុលាការយោធា នាវាចរណ៍សមុទ្រ ការដឹកជញ្ជូនផ្លូវដែក និងរុក្ខកម្ម) ។

បានលទ្ធផលនៃការអនុវត្តនយោបាយប្រឆាំងកំណើតនៅប្រទេសចិនពីឆ្នាំ១៩៥៣មកដល់សព្វថ្ងៃ គឺមានការថយចុះនៃអត្រាកំណើតធម្មជាតិបច្ចុប្បន្ននៅត្រឹម ០.៦៥% (២០០៩) ។

ជាទូទៅពាណិជ្ជកម្មក្រៅប្រទេសកម្ពុជាស្ថិតក្នុងស្ថានភាពទន់ខ្សោយនៅឡើង ព្រោះការនាំចូលមានបរិមាណច្រើនជាងការនាំចេញ ។
• ការនាំចេញ ៖ នាំចេញនូវទំនិញក្នុងស្រុកទៅកាន់បណ្តាប្រទេសមួយចំនួនក្នុងពិភពលោកដូចជា សហគមន៍អឺរ៉ុប សហរដ្ឋអាមេរិក អូស្រ្តាលី ថៃ ចិន ។ ទំនិញនាំចេញសំខាន់ជាងគេ គឺសម្លៀកបំពាក់ផលិតផលកសិកម្ម (អង្ករ ពោតក្រហម សណ្តែកសៀង ជ័រកៅស៊ូ ផលនេសាទ) ស្រាបៀអង្គរនិងថាយគ័រ ។
• ការនាំចូល ៖ ប្រទេសកម្ពុជានាំចូលទំនិញច្រើនបែនយ៉ាងដូចជា អង្គរម្សៅមី ប្រេងឥន្ធនៈ ឩស្ម័ន យានយន្ត គ្រឿងយន្តកសិកម្ម គ្រឿងសំណង់ គ្រឿងអគ្គិសនី ឩបករណ៍អេឡិចត្រូវនិច ឩបករណ៍សម្រាប់រោងចក្រកាត់ដេរ ភេសជ្ជៈគ្រប់ប្រភេទ ជីគីមី ថ្នាំពេទ្យ បារី ស្ករស ក្រដាស បន្លែ ផ្លែឈើ ។ ទំនិញទាំងនោះនាំចូលមកពីបណ្តាប្រទេសនានានៅអាស៊ី អឺរ៉ុប និងសហរដ្ឋអាមេរិក ។

វិស័យគមនាគមន៍កម្ពុជាមានលក្ខណៈអន់ថយ នៅមិនទានរីកចម្រើនទូទាំងប្រទេសនៅឡើង ។ តែបណ្តើរៗ រដ្ឋាភិបាលបានយកចិត្តទុកដាក់ពង្រីកវិស័យនេះ ទទួលបានលទ្ធផលគួរឱ្យកត់សម្គាល់ ព្រោះគេឃើញមានការសាងសង់ផ្លូវថ្នល់ជាច្រើនខ្សែ ស្ពានសំខាន់ៗជាច្រើនកន្លែង ។

ការពង្រីកការចិញ្ចឹមត្រី និងសត្វនៅកម្ពុជាជាការល្អប្រសើរ ព្រោះជាប្រភពចំណូលរបស់កសិករបន្ថែមលើប្រាក់ដែលបានមកពីការដាំដុះ ។ កាត់បន្ថយទៅលើការចំណាយម្ហូបអាហារ និងធ្វើឱ្យធនធានត្រីក្នុងប្រទេសកើនឡើងវិញ ដោយសារបង្វែរពីការនេសាទខុសច្បាប់មកចិញ្ចឹមត្រី ជាពិសេសបង្កើនប្រាក់ចំណូលជាតិ តាមរយៈការនាំចេញទៅក្រៅប្រទេស ។