ខ្ញុំមានគោលដៅចំពោះជីវិតសិក្សារបស់ខ្ញុំ ដូចតទៅ៖
• ខិតខំរៀនសូត្រឱ្យបានពូកែគ្រប់មុខវិជ្ជា
• ត្រូវបន្តរៀននៅមហាវិទ្យាល័យ ដើម្បីចាប់យកជំនាញមួយច្បាស់លាស់
• ត្រូវរៀនភាសាអង់គ្លេស កុំព្យូទ័រ បន្ថែម…។

អ្នកដែលគ្មានគោលដៅច្បាស់លាស់សម្រាប់ជីវិត
នឹងជួបផលវិបាកដូចតទៅ៖
• ជីវិតអាប់អួរ
• គ្មានសុភមង្គល
• បាក់ទឹកចិត្ត
• មានវិប្បដិសារី
• មិនអាចសម្រេចបំណង
• បរាជ័យក្នុងជីវិត…។

សិក្សាពាក្យគន្លឹះ
ទិសដៅ (ន)=ការកំណត់ ឬធ្វើឱ្យមានជាគ្រឿងសម្គាល់ ឬការសំដៅ តម្រង់ទៅលើអ្វីមួយដោយមានគោលបំណងច្បាស់លាស់។
កិត្តិយស (ន)=យសសក្តិដែលល្បី កេរ្តិ៍ឈ្មោះដ៏រុងរឿងល្បីល្បាញ។
កិរិយា (ន)=អំពើ លំនាំ ឫកពា។
អាកប្បកិរិយា (ន)=អាការៈនៃរាងកាយឫកពា។
គោលបំណង (ន)=បំណងប្រាថ្នាជាចម្បង ជាធំ។
លទ្ធផល (ន)=ផលនៃការងារដែលបានសម្រេច ផលដែលបានសម្រេចហើយ។
ឥស្សរភាព (ន)=ភាពនៃអ្នកធំ ភាវៈជាឥស្សរៈ។
វិប្បដិសារី (ន)=ការស្តាយក្រោយ ការនឹកស្តាយក្រោយ។

• ពាក្យន័យដូចនឹងពាក្យ៖
– លិខិត = សំបុត្រ ចុតហ្មាយ រាជសារ…។
– មើល = ទត ទស្សនា គយគន់…។
• ពាក្យផ្ទុយនឹងពាក្យ៖
– ដំបូង ≠ ចុងក្រោយ
– ធំ ≠ តូច
– សរសើរ ≠ បង្អាប់
– ស្រឡាញ់ ≠ ស្អប់
– គោរព ≠ មើលងាយ ។

ពិនិត្យពាក្យមួយគូៗ៖
• ចេញដំណើរ ≠ ត្រឡប់វិញ
• ខាងលិច ≠ ខាងកើត
• មូល ≠ សំប៉ែត
• ធនធាន = ទ្រព្យសម្បត្តិ
• ឆ្កួត ≠ ជា
• ទំនុកបម្រុង = ផ្គត់ផ្គង់