ព្រះនាង ឥន្ទ្រទេវី បានលើកកម្ពស់សិទ្ធិនារី៖
• ខិតខំធ្វើឱ្យខ្លួនឯងមានតម្លៃឧត្តុង្គឧត្តម ជាគំរូដល់នារីទូទៅ។
• ជួយអប់រំណែនាំដល់ញាតិវង្ស ឱ្យប្រកាន់ខ្ជាប់នូវតម្លៃស្ត្រីខ្មែរ។
• ពង្រឹងសមត្ថភាពលើគ្រប់វិស័យ អក្សរសាស្ត្រ វិទ្យាសាស្ត្រ សាសនា វប្បធម៌ និង សង្គមធម៌។
• អប់រំដល់ស្ត្រីអ្នកក្រោមបង្គាប់ឱ្យមានសមត្ថភាពខ្ពស់ដូចព្រះនាងដែរ។

បេសកកម្មរបស់ព្រះនាងឥន្ទ្រទេវី៖
• ជាប្រយោជន៍គ្រួសារ(ញាតិវង្ស)៖ ព្រះនាងមានព្រទ័យសប្បុរសចំពោះព្រះញាតិវង្សនិងរាជបរិពារ។ នៅពេលដែលព្រះកនិដ្ឋភគិនីជ័យរាជទេវីមានទុក្ខដោយត្រូវព្រាត់ប្រាសពីស្វាមី ព្រះនាងបានពន្យល់ណែនាំព្រះកនិដ្ឋា ដោយសាងផ្នួសជាដូនជីដើម្បីរំងាប់ទុក្ខសោកតាមបែបបទព្រះពុទ្ធសាសនា។
• ជាប្រយោជន៍ប្រទេសជាតិ៖ ព្រះនាងទ្រង់់ជំរុញវិស័យសិល្បៈ អក្សរសាស្ត្រ វប្បធម៌ជាតិ ឱ្យមានសន្ទុះរីកចម្រើន ជឿនលឿនយ៉ាងខ្លាំងក្លានាសម័យនោះ ព្រមទាំងបង្កើតឱ្យមានសាលាបាលីជាន់ខ្ពស់ទៀតផង។ ព្រះនាងត្រូវបានព្រះរាជាតែងតាំងជាសាកលវិទ្យាធិការិនី នៅសាកលវិទ្យាល័យមួយឈ្មោះ “ទិលកគុត្តរៈ” ហើយព្រះនាងបង្ហាត់ស្ត្រីខ្មែរ រាជបរិពារនូវវិជ្ជាខាងព្រះពុទ្ធសាសនានៅក្នុងវត្តមួយឈ្មោះ “នរេន្ទ្រាស្រម”។ ទន្ទឹមនឹងនេះ កំណាព្យជាភាសាសំស្ក្រឹតដែលជាស្នាព្រះហស្តព្រះនាង ត្រូវបានសិល្បករនាសម័យនោះចារឹកទុកលើផ្ទាំងថ្មមួយក្នុងប្រាសាទវិមានអាកាស រួមទាំងអស់១០២វគ្គ។

ពន្យល់ពាក្យ
• ព្រះកនិដ្ឋា (ន) ៖ ប្អូនស្រីពៅ ។
• ព្រះទ័យ (ន) ៖ ចិត្ត ដួងចិត្ត ។
• ព្រះពុទ្ធោវាទ (ន) ៖ ដំបូន្មានរបស់ព្រះពុទ្ធ ។
• ព្រះកនិដ្ឋភគិនី (ន) ប្អូនស្រី ។
• អគ្គពុទ្ធសាសនូបត្ថម្ភក៍ (ន) ៖ អ្នកឧបត្ថម្ភជ្រោមជ្រែងព្រះពុទ្ធសាសនាដ៏លើសលប់ ឧត្តុង្គឧត្តម…។
• កុសលកម្ម (ន) ៖ អំពើជាកុសល អំពើបុណ្យ ។