បេសកកម្មរបស់ព្រះនាងឥន្ទ្រទេវី៖
• ជាប្រយោជន៍គ្រួសារ(ញាតិវង្ស)៖ ព្រះនាងមានព្រទ័យសប្បុរសចំពោះព្រះញាតិវង្សនិងរាជបរិពារ។ នៅពេលដែលព្រះកនិដ្ឋភគិនីជ័យរាជទេវីមានទុក្ខដោយត្រូវព្រាត់ប្រាសពីស្វាមី ព្រះនាងបានពន្យល់ណែនាំព្រះកនិដ្ឋា ដោយសាងផ្នួសជាដូនជីដើម្បីរំងាប់ទុក្ខសោកតាមបែបបទព្រះពុទ្ធសាសនា។
• ជាប្រយោជន៍ប្រទេសជាតិ៖ ព្រះនាងទ្រង់់ជំរុញវិស័យសិល្បៈ អក្សរសាស្ត្រ វប្បធម៌ជាតិ ឱ្យមានសន្ទុះរីកចម្រើន ជឿនលឿនយ៉ាងខ្លាំងក្លានាសម័យនោះ ព្រមទាំងបង្កើតឱ្យមានសាលាបាលីជាន់ខ្ពស់ទៀតផង។ ព្រះនាងត្រូវបានព្រះរាជាតែងតាំងជាសាកលវិទ្យាធិការិនី នៅសាកលវិទ្យាល័យមួយឈ្មោះ “ទិលកគុត្តរៈ” ហើយព្រះនាងបង្ហាត់ស្ត្រីខ្មែរ រាជបរិពារនូវវិជ្ជាខាងព្រះពុទ្ធសាសនានៅក្នុងវត្តមួយឈ្មោះ “នរេន្ទ្រាស្រម”។ ទន្ទឹមនឹងនេះ កំណាព្យជាភាសាសំស្ក្រឹតដែលជាស្នាព្រះហស្តព្រះនាង ត្រូវបានសិល្បករនាសម័យនោះចារឹកទុកលើផ្ទាំងថ្មមួយក្នុងប្រាសាទវិមានអាកាស រួមទាំងអស់១០២វគ្គ។

ពន្យល់ពាក្យ
• ព្រះកនិដ្ឋា (ន) ៖ ប្អូនស្រីពៅ ។
• ព្រះទ័យ (ន) ៖ ចិត្ត ដួងចិត្ត ។
• ព្រះពុទ្ធោវាទ (ន) ៖ ដំបូន្មានរបស់ព្រះពុទ្ធ ។
• ព្រះកនិដ្ឋភគិនី (ន) ប្អូនស្រី ។
• អគ្គពុទ្ធសាសនូបត្ថម្ភក៍ (ន) ៖ អ្នកឧបត្ថម្ភជ្រោមជ្រែងព្រះពុទ្ធសាសនាដ៏លើសលប់ ឧត្តុង្គឧត្តម…។
• កុសលកម្ម (ន) ៖ អំពើជាកុសល អំពើបុណ្យ ។

កាលបរិច្ឆេទនៃប្រវត្តិព្រះពុទ្ធសំខាន់ៗ ៖
• ទ្រង់ចាប់បដិសន្ធិនៅ ថ្ងៃព្រហស្បតិ៍ ពេញបូណ៌មី ខែអាសាឍ ឆ្នាំរកា វេលាទាបទៀបភ្លឺ ។
• ទ្រង់ប្រសូតនៅ ថ្ងៃសុក្រ ពេញបូណ៌មី ខែពិសាខ ឆ្នាំច វេលាថ្ងៃជិតត្រង់(៦២៣ឆ្នាំមុនគ.ស)
• ទ្រង់រាជាភិសេកនៅ ថ្ងៃសៅរ៍ ពេញបូណ៌មី ខែអាសាឍ ឆ្នាំឆ្លូវ (៦០៧ឆ្នាំមុនគ.ស)
• ទ្រង់ចេញសាងផ្នួសនៅ ថ្ងៃព្រហស្បតិ៍ ពេញបូណ៌មី ខែអាសាឍ ឆ្នាំថោះ
• ទ្រង់បានត្រាស់ដឹងជាព្រះសម្មាសម្ពុទ្ធនៅ ថ្ងៃពុធ ពេញបូណ៌មី ខែពិសាខ ឆ្នាំរកា(៥៨៨ឆ្នាំមុនគ.ស)
• ទ្រង់ដាក់អាយុសង្ខារនៅ ថ្ងៃអាទិត្យ ពេញបូណ៌មី ខែមាឃ ឆ្នាំម្សាញ់
• ទ្រង់ចូលបរិព្វាននៅ ថ្ងៃអង្គារ ពេញបូណ៌មី ខែពិសាខ ឆ្នាំម្សាញ់ ក្នុងជន្មាយុ ៨០ព្រះវស្សា ។