សុភាសិត គឺជាក្រុមពាក្យចួនដែលមានខ្លឹមសារអប់រំ ទូន្មាន ប្រៀនប្រដៅមានន័យគ្រប់ជ្រុងជ្រោយមានប្រយោជន៍គួររៀន គួរស្តាប់និងយកទៅអនុវត្តតាមកាលៈទេសៈ។

ន័យដូចនឹងពាក្យ៖
• ល្បីល្បាញ៖ ល្បីរន្ទឺ ខ្ទរខ្ទារ ស្ងើចសរសើរ ។
• ពិសិដ្ឋ៖ ល្អប្រសើរ ល្អថ្លៃថ្នូរ…។
• ស្នេហា៖ ស្រឡាញ់ ចូលចិត្ត ពេញចិត្ត ។
• ផ្ដល់៖ ឱ្យ ជូន ថ្វាយ …។
• ថ្លៃថ្នូរ៖ ខ្ពង់ខ្ពស់ ប្រសើរ រុងរឿង។

ល្បះដែលបង្ហាញពីឆន្ទៈនិងការប្ដេជ្ញាចិត្តយ៉ាងមោះមុតក្នុងអត្ថបទ៖
• «ទឹកចិត្តស្នេហារបស់យើងចំពោះមាតុភូមិពុំអាចមានឥទ្ធិពលអ្វីមកធ្វើឱ្យរង្គោះរង្គើរបានឡើយ»។
• ខ្ញុំមានគំនិតស្របជាមួយអ្នកនិពន្ធលើចំណុច«យើងសូមទទួលមរតកដ៏ឧត្តុងឧត្តមនេះដោយទឹកចិត្តស្ងើចសរសើរ និងគោរពដោយស្មោះ ហើយសូមប្ដេជ្ញាចិត្តដើរតាមគំរូជីវភាពរបស់លោក និងបន្តការកសាងស្នាដៃថ្មីសម្រាប់ទុកជាមរតកដល់អ្នកជំនាន់ក្រោយ ព្រោះនេះជាភារកិច្ចរបស់ខ្មែរគ្រប់រូបដែលត្រូវតែប្រតិបត្តិឱ្យបាន ។

មានន័យថា ទឹកដីខ្មែរមានសម្បត្តិធម្មជាតិដូចជា ព្រៃព្រឹក្សា សត្វ រ៉ែ ត្បូង ដីមានជីជាតិ ទន្លេ បឹងបួ មច្ឆជាតិ…និងសម្បត្តិវប្បធម៌ដូចជា អក្សរសាស្ត្រ ប្រពៃណីទំនៀមទម្លាប់ ភ្លេង របាំ តន្ត្រី ចម្រៀង ចម្លាក់ ប្រាសាទបុរាណ…ទាំងអស់នេះហើយជាកត្តាធ្វើឲ្យកម្ពុជាក្លាយជាទឹកដីពិសិដ្ឋ និងជាទីស្រលាញ់របស់កូនខ្មែរ។

• ពាក្យស្លោក«ការពារប្រសើរជាងព្យាបាល»មានន័យថា មនុស្សត្រូវចេះត្រៀមខ្លួនជាស្រេចក្នុងការទប់ស្កាត់ចំពោះហេតុការណ៍ទាំងឡាយដែលអាចកើតមានឡើងពោលគឺកុំឱ្យហេតុការណ៍កើតឡើងហើយទើបដោះស្រាយជាក្រោយនោះមិនល្អទេ វានាំឲ្យខាតបង់ប្រយោជន៍ជាមិនខាន។
ឧ.យើងត្រូវឱ្យកូនដេកក្នុងមុងជានិច្ចប្រសើរជាងកូនកើតជំងឺគ្រុនឈាមហើយទើបព្យាបាល។