ប្រភពនៃការបំពុលសំខាន់ៗមានដូចជា៖
-ចំហេះផូស៊ីលញឥន្ធនៈដែលចេញពីរថយន្ត ទោចក្រយាន្ត
រោងចក្រថាមពលនុយក្លេរអ៊ែរ នាវា យន្តហោះ…។
-ការដុតអុស លាមកសត្វ និងកាកសំណល់ពីដំណាំ
សម្រាប់ដាំស្ល បំភ្លឺ និងយកកម្តៅ…។ ការដុតព្រៃនិងវាល
ស្មៅនៅតំបន់ផ្សេងៗ ដើម្បីរានយកដីសម្រាប់ធ្វើ
លំនៅឋាន កសិកម្ម ឧស្សាហកម្ម និងចិញ្ចឹមសត្វ។
-ការធ្វើកសិកម្មដូចជា ការប្រើប្រាស់ថ្នាំសម្លាប់សត្វល្អិត
ចង្រៃ និងការប្រើប្រាស់ជីគីមី។
-ការប្រើប្រាស់អាវុធយុទ្ធភ័ណ្ឌផ្សេងៗនៅក្នុងសង្រ្គាម
-កត្តាធម្មជាតិក៏មានការបំពុលដែរដូចជា ការផ្ទុះភ្នំភ្លើង
ភ្លើងឆេះព្រៃ និងព្យុះជាច្រើន។

សារធាតុពុលបរិយាកាសសំខាន់ៗមានដូចជា៖
-ឧស័្មនកាបូនិច(CO2)
-ស្ពាន់ធ័រឌីអុកស៊ីត(SO2) ស្ពាន់ធ័រទ្រីអុកស៊ីត(SO3)
-អាសូតម៉ូណូអុកស៊ីត(NO) អាសូតឌីអុកស៊ីត(NO2)
និងឌីអាសូម៉ូណូអុកស៊ីត(N2O)
-សមាសធាតុសរីរាង្គហើរមាន៖មេតាន(CH2) បង់សែន
(C6H6) ក្លរ៉ូភ្លុយអរ៉ូកាបូន(CFCs)
-ភាគល្អិតអណ្តែតវិលវល់៖ ភាគល្អិតរឹងដូចជាធូលី សំណ
ប្រេង ថ្នាំសម្លាប់សត្វចង្រៃ….។

ការបំពុលអកាសបង្កឲ្យមានបាតុភូត ភ្លៀងអាស៊ីត ធ្វើឲ្យ
មានស្រអាប់ស្រទាប់អូសូនស្តើង និងកំណើនកម្តៅលើផែន
ដីជាដើម។ចំណែការបំពុលអាកាសពីធម្មជាតិមានដូចជា
ការផ្ទុះភ្នំភ្លើង និងភ្លើងឆេះព្រៃជាដើម។

ការគ្រប់គ្រងសំណល់រឹងមានដូចជា៖
-កំណែច្នៃថ្មី៖យើងត្រូវរកវិធី ដើម្បីប្រើប្រាស់ឲ្យអស់លទ្ធ
ភាពលើសម្ភារៈដែលយើងបោះចោលនោះគឺត្រូវកែច្នៃចាថ្មី
ឲ្យបានច្រើនតាមលទ្ធភាពដែលអាចធ្វើទៅបាន។ កំណែ
ច្នៃថ្មីគឺយើងត្រូវតែញែករូបធាតុដែលអាចប្រើប្រាស់ជាថ្មី
បានដូចជាលោហៈ កែវ និងក្រដាសដែលចេញពីសំណល់
រឹង។ បន្ទាប់មកយករូបធាតុដែលអាចប្រើប្រាស់ជាថ្មីត្រូវ
បានគេយកទៅកែច្នៃហើយត្រឡប់ចូលទៅក្នុងវិស័យសេដ្ឋ
កិច្ចវិញក្នុងរូបភាពជាផលិតផលថ្មី។
-ជីកំប៉ុស៖ការយកសំណល់រឹងធ្វើជាជីកំប៉ុស វាទាក់ទងទៅ
នឹងការញែកសំណល់រឹងសរីរាង្គ(ក្រដាស សំណល់អាហារ
រុក្ខជាតិ)ចេញពីសំណល់ បន្ទាប់មកទុកសំណល់ទាំងនោះ
បំបែកធាតុទៅជាផលិតផលសរីរាង្គសម្រេចដែលគេយក
ទៅប្រើប្រាស់ជាជីសម្រាប់កសិកម្មព្រោះវាសម្បូរសារធាតុ
ចិញ្ចឹមជួយឲ្យរុក្ខជាតិដុះលូតលាស់បានល្អ។ ជាទូទៅ
សំណល់រឹង៤០% នៅក្នុងប្រទេសកំពុងតែអភិវឌ្ឍមាន
ប្រភពពីរុក្ខជាតិដែលអាចបំបែកធាតុបានក្រោមលក្ខខណ្ឌ
អាកាសធាតុក្តៅសំណើមនិងរយៈពេល។

សំណល់រឹងមានផលប៉ះពាល់ខ្លាំងជាងគេគឺការធ្វើឲ្យមានការ
បំពុលទឹក ដីខ្យល់ និងចម្លងជំងឺរាតត្បាតផ្សេងៗដល់មនុស្ស
សត្វ និងរុក្ខជាតិ។ កាលណាយើងចោលសំណល់ទាំងនោះគ្មានសណ្តាប់ធ្នាប់ វាធ្វើឲ្យទីក្រុង ទីប្រជុំជននានាបាត់បង់សោភ័ណភាព និងកង្វក់ដោយសារក្លិនស្អុយនៃកាកសំណល់ទាំងនោះ ហើយប៉ះពាល់ដល់សុខភាពមនុស្ស សត្វ រុក្ខជាតិ ព្រមទាំងមានឥទ្ធិពលដល់សេដ្ឋកិច្ចជាតិនិងមោនទនភាពជាតិ។