រូបផ្គុំសរីរាង្គខាងក្នុងរបស់ថនិកសត្វមានដូចជា ៖ • សួត • បេះដូង • ក្រពះ • ប្រមាត់ • ថ្លើម • ផាល • លំពែង • ពោះវៀនតូច • ពោះវៀនធំ • អូវែ • ពងស្វាស • ប្លោកនោម។

កូនបក្សីទាំងអស់មិនមែនសុទ្ធតែអាចរកចំណីដោយខ្លួនឯងបានទេ។ កូនបក្សីខ្លះអាចរកចំណីដោយខ្លួនឯងបាន(កូនមាន់ ទា …)។ កូនបក្សីខ្លះទៀតត្រូវការមេរបស់វាយកចំណីមកបញ្ចុករហូតដល់វាអាចហើរបាន(កូនចាប ព្រាប កូនឥន្ទ្រី…)។

បក្សីមានប្រព័ន្ធរបត់ឈាមទ្វេ ៖ • បេះដូងស្ដាំរុញឈាមខ្សត់អុកស៊ីសែនទៅសួតដែលនៅទីនោះមានការចាប់យកអុកស៊ីសែនពី បរិយាកាស។ • បេះដូងឆ្វេងទទួលយកឈាមសម្បូរអុកស៊ីសែន ត្រឡប់មកពីសួត បន្ទាប់មកបេះដូង រុញឈាមទៅកាន់សរីរាង្គទាំងអស់នៃរាងកាយ។

បក្សីត្រូវការថាមពលច្រើននៅពេលហើរ។ ដូចនេះកោសិកាទាំងឡាយត្រូវតែទទួលបានអុកស៊ីសែនច្រើន ដើម្បីបញ្ចេញថាមពលដែលស្តុកទុកនៅក្នុងម៉ូលេគុល អាហារ។

បក្សី គឺប្រភេទជាសត្វឆ្អឹងកងថេរកម្ដៅ។ ខ្លួនរបស់វាគ្របដណ្ដប់ដោយរោមនិងស្លាប។ បក្សីផ្លាស់ទីដោយការហើរយ៉ាងរហ័ស។ តែបក្សីដូចជាសត្វអូទ្រីសមិនចេះហើរទេ ព្រោះខ្លួនរបស់វាមានទំហំធំ។ វាបំលាស់ទីដោយការត់យ៉ាងលឿន។