កត្តាដែលជះឥទ្ធិពលលើជម្រើសដោយធម្មជាតិមានដូចជា៖ • ការបង្កើតកូនចៅច្រើនហួសប្រមាណ • ការប្រជែងដើម្បីរស់ • បម្រែបម្រួល។

• ជម្រើសដោយមនុស្ស គឺលក្ខណៈដែលមានប្រយោជន៍ចំពោះខ្លួន មនុស្សក៏ជ្រើរើសភាវៈរស់ទាំងនោះមកបង្កាត់ជាមួយគ្នា ហើយមិនឱ្យភាវៈរស់ដែលមានលក្ខណៈផ្សេងពីនេះធ្វើការបន្តពូជឡើយ។

ដាវីនធ្វើសម្មតិកម្មថា ប្រភេទភាវៈរស់ទាំងនេះមានការប្រែប្រួលជាបន្តបន្ទាប់ ហើយមានបន្ស៊ាំកាន់តែប្រសើរឡើងទៅនឹងមជ្ឈដ្ឋានថ្មី។

• បន្ស៊ាំ គឺជាលក្ខណៈមួយដែលធ្វើឱ្យភាវៈរស់អាចរស់រានមានជីវិតនិងបន្តពូជបានសមស្របនឹងមជ្ឈដ្ឋានមួយ។ ឧទាហរណ៍ សត្វពស់និងដង្កូវដែលបន្ស៊ាំខ្លួនជាមួយ-រុក្ខជាតិពណ៌បៃតងរយៈពេលយូរបណ្ដាលឱ្យស្បែកមានពណ៌បៃងតងដូចរុក្ខជាតិ ហើយងាយក្នុងការចាប់អាហារ ការពារខ្លួនពីសត្រូវ។

ប្រៀបធៀបភាវៈរស់នៅប្រជុំកោះកាឡាប៉ាកុសនិង អាមេរិចខាងត្បូង។៖ • លក្ខណៈដូច : បក្សីនិងរុក្ខជាតិមានភាពដូចគ្នា។ • លក្ខណៈខុស : ប្រជុំកោះកាឡាប៉ាកុសសត្វបង្គួយមានក្រញាំធំ ចំណែកឯអាមេរិចខាងត្បូង សត្វបង្គួយមានក្រញាំតូច។