ពិពណ៌នាពីរបៀបឆ្លងនិងរោគសញ្ញារបស់ជំងឺនីមួយៗដែលបង្កឡើងដោយវីរុសមានដូចជា៖
• ជំងឺកញ្ជ្រឹល : ឆ្លងតាមខ្យល់ រោគសញ្ញាមានដូចជាក្រហមលើស្បែក ឡើងកម្ដៅតឹងច្រមុះ និងឈឺបំពង់ក។
• ជំងឺអុតស្វាយ : ឆ្លងតាមខ្យល់ រោគសញ្ញាមានដូចជា គ្រុន ស្នាមកន្ទួលលើស្បែក។
• ជំងឺស្រឡទែន : ឆ្លងតាមខ្យល់ រោគសញ្ញាមានដូចជា ហើមក្រពេញទឹកមាត់។
• ជំងឺគ្រុនផ្ដាសាយធំ : ឆ្លងតាមខ្យល់ រោគសញ្ញាមានដូចជា គ្រុន ឈឺក្បាល ឈឺសាច់ដុំ
ឈឺបំពង់ក ក្អក ហៀរសំបោរ។
• ជំងឺរលាកថ្លើម : ឆ្លងតាមឈាម ចំណីអាហារ ទឹក និងការរួមភេទ រោគសញ្ញាមានដូចជា គ្រុន គ្រុនរងា ចង្អោរ ហើមថ្លើម ស្បែកលឿង
ឈឺសន្លាក់។
• ជំងឺគ្រុនស្វិតដៃជើង : ឆ្លងតាមចំណីអាហារ និងទឹក រោគសញ្ញាមានដូចជា ឈឺក្បាល
តឹងកញ្ចឹងក សាច់ដុំកម្រើកលែងបាន។
• ជំងឺអេដស៍ : ឆ្លងតាមការរួមភេទ ការប្រើម្ជុលចាក់ថ្នាំរួមគ្នា និងឆ្លងពីម្ដាយទៅកូន រោគសញ្ញាមានដូចជា ប្រព័ន្ធស៊ាំចុះខ្សោយ មានប្រជុំរោគសញ្ញានៃជំងឺឱកាសនិយមផ្សេងៗ ហើយបណ្ដាលឱ្យស្លាប់។
• ជំងឺផ្ដាសាយបក្សី : ឆ្លងតាមបក្សីងាប់ កាកសំណ
ល់របស់បក្សី កន្លែងចិញ្ចឹមបក្សី សាច់បក្សីចម្អិនមិនឆ្អិនល្អ បឹងឬត្រពាំងមានបក្សីហែល។ រោគសញ្ញាមានដូចជា ឈឺក្បាល ឈឺសាច់ដុំ ថប់ដង្ហើម ក្តៅលើសពី 380C ក្រោយពីការប៉ះពាល់បក្សីឈឺឬងាប់រយៈពេល 7 ថ្ងៃ។

វដ្ដបន្តពូជរបស់វីរុសមាន 5 ដំណាក់កាល។ ដំណាក់កាលទាំងនោះមានដូចជា៖
• ដំណាក់ទី1: វីរុសភ្ជាប់ខ្លួននឹងភ្នាសកោសិកា
បាក់តេរី។
• ដំណាក់ទី2: វីរុសបញ្ចូលសំភារៈសម្ភារៈតំណពូជទៅក្នុងកោសិកាបាក់តេរី។
• ដំណាក់ទី3: សម្ភារៈតំណពូជនិងប្រូតេអ៊ីនរបស់វីរុសត្រូវបានសំយោគនៅក្នុងកោសិកាបាក់តេរី។
• ដំណាក់ទី4: សម្ភារៈតំណពូជនិងប្រូតេអ៊ីនផ្គុំបានជាវីរុសថ្មីៗជាច្រើននៅពេញក្នុងកោសិកាបាក់តេរី។
• ដំណាក់ទី5 : បាក់តេរីផ្ទុះហើយបញ្ចេញវីរុសថ្មីៗជាច្រើន។ វីរុសទាំងនោះឆ្លងទៅកោសិកាបាក់តេរីផ្សេងទៀត។

វីរុសទាំងអស់បង្កឡើងពីផ្នែកសំខាន់ៗ 2 គឺ៖
• ស្រោមខាងក្រៅជាប្រូតេអ៊ីនសម្រាប់ការពារ
• ស្នូលខាងក្នុងជាសម្ភារៈតំណពូជសម្រាប់បង្កើតជាវីរុសថ្មីៗទៀត។

វីរុស មានលក្ខណៈដូចទៅនឹងសារពាង្គកាយដោយសារវាអាចបន្តពូជបាន ហើយបន្តពូជបានតែនៅក្នុងកោសិកាដែលមានជីវិតតែប៉ុណ្ណោះ។