បាក់តេរីមានប្រយោជន៍ដូចជា៖
• បាក់តេរីជួយបំបែកកាកសំណល់អាហារក្នុងពោះវៀនមនុស្ស។
• បាក់តេរីដែលប្រើប្រាស់ក្នុងផ្នែកឧស្សាហកម្មផលិ-តអាហារដូចជា ទឹកដោះគោជូរ ប៊័រ ប្រូម៉ាស់
ទឹកខ្មេះ…។
• បាក់តេរីខ្លះផលិតជាអង់ទីប្យូទិចសំខាន់ៗដូចជា ស្ត្រិបតូមីស៊ីន អេរីត្រូមីស៊ីន…។
• បាក់តេរីសាប្រូភីតបំបែកសាកសពសត្វឬុរុក្ខជាតិឱ្យទៅជាសារធាតុសំខាន់ៗសម្រាប់ដីមានជី
ជាតិ។
• បាក់តេរីជួយភ្ជាប់អាសូតដែលមាននៅក្នុងកំពកឫសដើមសណ្ដែក។
• បាក់តេរីស្វ័យជីពដែលប្រើប្រាស់ពន្លឺព្រះអាទិត្យដើម្បីផលិតអាហារ ហើយបញ្ចេញអុកស៊ីសែនទៅក្នុងបរិយាកាស។
 បាក់តេរីចង្រៃដូចជា៖
• បាក់តេរីបង្កជំងឺឆ្លងដល់មនុស្ស សត្វនិងរុក្ខជាតិ។
ឧ. ជំងឺរាគ ជំងឺកាមរោគ ជំងឺរបេង…។
• បាក់តេរីផលិតជាតិពុលនៅក្នុងអាហារដែលធ្វើឱ្យ
អាហារមានក្លិនជូរ។ គេមានវិធី 2 បែបដែលជួយ
កាត់បន្ថយល្បឿនកុំឱ្យអាហារឆាប់ផ្អូមគឺទី1ដាក់អាហារក្នុងទូរទឹកកកឬទូក្លាសេនិងទី2កម្ដៅម្ហូប។

ការបន្តពូជរបស់បាក់តេរីមាន 2 ប្រភេទ៖
• ការបន្តពូជដោយឥតភេទ : គឺកោសិកាមេមួយចែកខ្លួនបានជាកោសិកាកូនពីរ ដែលកោសិកានីមួយៗដូចគ្នាបេះបិទនឹងកោសិកាមេ។
• ការបន្តពូជដោយភេទ : គឺមេបាទាំងពីរបន្សំនូវ
សម្ភារៈតំណពូជចូលគ្នា ដើម្បីបង្កើតសារពាង្គកាយមួយថ្មីដែលមានលក្ខណៈខុសពីមេបាទាំងពីរ។

ផ្អែកតាមរូបរាងបាក់តេរី គេចែកបាក់តេរីជាបីក្រុមគឺ៖
• រាងមូលឬស្វ៊ែហៅថា កុកស៊ី
• រាងដំបងហៅថា បាស៊ី
• រាងសរសៃឬស្ពៀហៅថា ស្ពៀរីឡូម។