ប្រយោជន៍របស់ផ្សិតទៅលើការលូតលាស់របស់រុក្ខជាតិមានដូចតទៅ៖ ផ្សិតខ្លះជួយរុក្ខជាតិឱ្យកាន់តែលូតលាស់និងមានសុខភាពល្អ កាលណាអ៊ីបរបស់ផ្សិតដុះលើឫសរបស់រុក្ខជាតិនោះ។ អ៊ីប ពង្រាយនៅក្រោមដីស្រូបទឹកនិងសារធាតុចិញ្ចឹមពីដីឱ្យទៅរុក្ខជាតិ។ ដោយសារមានទឹកនិងសារធាតុចិញ្ចឹមគ្រប់គ្រាន់ រុក្ខជាតិនេះលូតលាស់កាន់តែរហ័សជាងរុក្ខជាតិដែលគ្មានផ្សិតជាដៃគូ។ ផ្សិត ផ្ដល់អាហារលើសពីតម្រូវការដែលរុក្ខជាតិប្រើប្រាស់ហើយអាហារលើសនោះត្រូវបានស្តុកទុកក្នុងរុក្ខជាតិ។

ជំងឺបង្កឡើងពីផ្សិតមានដូចជា ជំងឺផ្សិតដែលកើតមាននៅត្រង់ចន្លោះម្រាមជើងបណ្ដាលឱ្យរមាស់និងកន្ទួលក្រហល់ក្រហាយ ជំងឺស្រែនិងជំងឺផ្សិតផ្សេងទៀតបណ្ដាលឱ្យរមាស់និងកន្ទួលនៅលើស្បែក។

• អ្នកបំបែកមានដូចជា បាក់តេរី និងផ្សិត។ ឧទាហរណ៍ ផ្សិតមួយចំនួនរស់នៅក្នុងដី ជួយបំបែកសារធាតុសរីរាង្គរបស់ភាវៈរស់ដែលងាប់។ លំនាំនៃការបំបែកនោះផ្ដល់ប្រយោជន៍ដូចជា ជួយមិនឱ្យមានគំនរយ៉ាងច្រើននៃសាកសពសត្វនិងរុក្ខជាតិនៅលើផែនដី និងការបន្ថែមសារធាតុខនិជទៅឱ្យដី។

ពិពណ៌នាពីការផលិតនំប៉័ងដោយប្រើដំបែ ដំបូងគេ-ដាក់ថែមដំបែទៅក្នុងម្សៅទន់ៗដើម្បីឱ្យម្សៅឡើងមេ។
កោសិកាដំបែប្រើប្រាស់ស្ករក្នុងម្សៅទន់ៗធ្វើជាអាហារហើយផលិតជាឧស្ម័នកាបូនិច។ ឧស្ម័ននេះបង្កើតជាពពុះខ្យល់ដែលបណ្ដាលឱ្យម្សៅទន់ៗនោះឡើងមេ។ អ្នកឃើញពពុះខ្យល់ទាំងនេះដូចជារន្ធឬប្រហោងជាច្រើននៅពាសពេញក្នុងសាច់នំប៉័ង។