ជីធម្មជាតិ មានគុណសម្បត្តិដូចជា ៖
• បង្កើនសារធាតុសរីរាង្គដល់ដី ធ្វើឱ្យដីផុសល្អ និងខ្យល់ចេញចូលបាន។
• បរិមាណធាតុអាហារគ្រឹះតិចប៉ុន្តែមានសារធាតុអាហារដទៃទៀតគ្រប់គ្រាន់សម្រាប់រុក្ខជាតិ
លូតលាស់។
• ជួយឱ្យការប្រើជីគីមីមានប្រសិទ្ធភាពល្អ។
• ចុះទន់ក្នុងការរៀបចំដីឱ្យផលសមគួរទៅ
តាមតម្លៃ។
• មានតម្លៃថោក។
• មិនធ្វើឱ្យដីមានជាតិអាស៊ីតបាស។
• ងាយប្រើប្រាស់ មិនបណ្ដាលឱ្យមានគ្រោះថ្នាក់ដល់ដំណាំ។
• ធ្វើឱ្យគុណភាពដីកាន់តែល្អឡើងក្នុងរយៈពេលយូរឆ្នាំ។
• ស្ថិតនៅដីស្រទាប់លើ ជីកំប៉ុស្តមិនអាចហូរច្រោះតាមទឹកបានឡើយ។

ជីគីមីមានគុណសម្បត្តិដូចខាងក្រោម ៖
• បង្កើនសារធាតុចិញ្ចឹមដល់ដី។
• បានផលរហ័សនិងចំណេញពេលវេលា។
• ងាយស្រួលដឹកជញ្ជូន។
• បរិមាណធាតុអាហារគ្រឹះខ្ពស់។
• មិនមានសត្រូវដំណាំមកលាយឡំជាមួយ។
• ផ្ដល់ទិន្នផលខ្ពស់រយៈពេលខ្លី។

របៀបផលិតជីកំប៉ុស្តមានដូចខាងក្រោម ៖
• កាប់ចិញ្ច្រាំស្លឹកឈើស្រស់ ឬស្ងួតឱ្យល្អិតតូចៗ។
• លាយស្លឹកឈើដែលចិញ្ច្រាំរួចនេះជាមួយលាមកសត្វស្រស់ក្នុងបរិមាណស្មើគ្នាឱ្យបានសព្វល្អ។
• យកល្បាយនេះមកចាក់គរជាគំនរដែលមានទទឹងនិងបណ្ដោយយ៉ាងតិចបំផុតប្រវែង 1m និងកម្ពស់ខ្ពស់បំផុត 1m។
• ត្រូវដាក់គំនរជីនេះនៅឱ្យឆ្ងាយពីផ្ទះ ដើម្បី
ជៀសវៀងការប៉ះពាល់ដល់សុខភាព។
• គ្របស្លឹកចេក ឬបាវចាស់ៗលើគំនរជីដោយ
ធានាថាមានខ្យល់ចេញចូលបាន។ ប្រសិនបើគ្មានខ្យល់ចេញចូលទេ វាបង្កឱ្យមានសត្វតូចៗគ្មានប្រយោជ៍ច្រើន ហើយពួកនេះបង្កឱ្យមានជំងឺដល់ដំណាំ។
• ចាប់ពី 3-4 ថ្ងៃក្រោយមកជីនៅក្នុងគំនរឡើង
កម្ដៅ។ ប្រសិនបើមិនក្ដៅទេ អ្នកត្រូវលាយលាមកសត្វស្រស់បន្ថែមទៀត។ ពេលនេះត្រូវជ្រួយជីត្រឡប់ពីក្នុងមកក្រៅទៅវិញទៅមក ដើម្បីឱ្យជីរលួយសព្វល្អ ។ តែបើជីមិនរលួយអស់ទេ នៅពេលយកទៅប្រើ វានឹងបញ្ចេញកម្ដៅដែលអាចប៉ះពាល់ដល់ឫសដំណាំ និងធ្វើឱ្យដំណាំរលួយ។
• បន្ទាប់មកត្រូវជ្រួយត្រឡប់ជីរាល់ 2 ថ្ងៃម្ដង។ ធ្វើរបៀបនេះរយៈពេល 14-16 ថ្ងៃ។ នៅចុងបញ្ចប់អ្នកអាចយកវាទៅប្រើប្រាស់បានតាមតម្រូវការ។

ជីធម្មជាតិ គឺជាជីដែលបានមកពីវត្ថុផ្សេងៗមានជីវិត
ដូចជា រុក្ខជាតិ សត្វ ឬកម្ទេចកំទីដែលសេសសល់ពីរុក្ខ-ជាតិនិងសត្វ។ ជីធម្មជាតិច្រើនតែមានពណ៌ត្នោតស្ទើរខ្មៅ។ សាច់ជី គ្រើមហើយធំក្លិនសំណល់រុក្ខជាតិ សត្វដែលស្លាប់រលួយ។ វាត្រូវការសំណើម ហើយត្រូវរក្សាវាទុកនៅកន្លែងសើមជានិច្ច។
ឧទាហរណ៍ ជីលាមកសត្វ ជីកំប៉ុស្ដ ជីអាចន៍ប្រចៀវ…។