ក្រោយបញ្ចប់ចំណែកមេយ៉ូសគេសន្និដ្ឋានដូចតទៅ៖
• ចំណែកទី 1 : មេយ៉ូសរ៉ាប់រងការផ្តាច់ចេញពីគ្នានៃគូ ក្រូម៉ូសូមអូម៉ូឡូក។ ដូចនេះមានការបន្ថយចំនួន ក្រូម៉ូសូមពាក់កណ្ដាល។ កោសិកាកូននីមួយៗមាន n ក្រូម៉ូសូម។ វាជាកោសិកាអាប្លូអ៊ីត។
• ចំណែកទី 2 : មេយ៉ូសរ៉ាប់រងការផ្តាច់ចេញពីគ្នានៃ ក្រូម៉ាទីតបងប្អូនរបស់ក្រូម៉ូសូមនីមួយៗ ហើយក្រូម៉ូសូម នីមួយៗមានក្រូម៉ាទីតតែមួយ។

វគ្គអាណាផាស II សង់ត្រូមែធ្វើចំណែក ដែលនាំឱ្យ ក្រូម៉ាទីតបងប្អូនដាច់ចេញពីគ្នា។ ដូចនេះ ក្រូម៉ាទីតនីមួយៗ ក្លាយជាក្រូម៉ូសូមកូន។ បន្ទាប់មកក្រូម៉ូសូមកូនទាំង 2 ធ្វើដំណើរ ឆ្ពោះទៅកាន់ប៉ូល 2 ផ្ទុយគ្នារបស់ត្រយូងអាក្រូម៉ាទិច។

វគ្គប្រូផាសII ត្រយូងអាក្រូម៉ាទិចកើតមានក្នុងកោសិកាកូន
នីមួយៗ។ ក្រូម៉ូសូមដែលប្រេះតាមបណ្ដោយធ្វើដំណើរឆ្ពោះទៅ ផ្នែកកណ្ដាលនៃត្រយូងអាក្រូម៉ាទិច។

វគ្គអាណាផាសI ក្រូម៉ូសូមអូម៉ូឡូកនៃគូនីមួយៗ ផ្តាច់ចេញ ពីគ្នាហើយធ្វើដំណើរទៅកាន់ប៉ូលផ្ទុយគ្នារបស់កោសិកា។ ក្រូម៉ាទីតទាំង 2 របស់ក្រូម៉ូសូមនីមួយៗមិនផ្តាច់ចេញពីគ្នាទេ។ នៅប៉ូលកោសិកានីមួយៗមានចំនួនក្រូម៉ូសូមអាប្លូអ៊ីត។

វគ្គប្រូផាស I មានរយៈពេលវែង។ ក្រូម៉ូសូមធ្វើស្ពៀរកម្មរួញខ្លី ហើយឡើងក្រាស់ដែលអាចមើលឃើញ។ ក្រូម៉ូសូមប្រេះតាម បណ្ដោយជាក្រូម៉ាទីត2។ ក្រូម៉ូសូមអូម៉ូឡូកដែលប្រះតាម បណ្ដោយទាំងអស់រំកិលជិតគ្នាពីរៗ និងជាប់គ្នានៅតាម បណ្ដោយដែលបង្កើតបានជាក្រូម៉ាទីត 4 ឬតេត្រាត។ ពេលខ្លះ អាចមានបណ្តូរអង្កត់រវាងក្រូម៉ាទីត2 នៃគូក្រូម៉ូសូមអូម៉ូឡូក។ បណ្តូរអង្កត់នេះហៅថា បាតុភូតក្រូស៊ីញអូវើ។ នៅចុងបញ្ចប់ ប្រូផាស I ភ្នាសណ្វៃយ៉ូរលាយបាត់ ត្រយូងអាក្រូម៉ាទិចលេចឡើង តេត្រាតធ្វើចលនាឆ្ពោះទៅអេក្វាទ័ររបស់កោសិកា។