ភ្នាសសើមស្បូនឡើងកម្រាស់ដោយសារតែអំពើរបស់ អរម៉ូនអឺស្ត្រូសែន ដែលបណ្ដាលឱ្យសរសៃឈាមក្នុងភ្នាសសើម ស្បូនរីកធំ។

ដំណើរអូវុលជាដំណើរការដែលមានរយៈពេលខ្លី ហើយ អូវ៉ូស៊ីត II ចាកចេញពីផូលីគុលដឺក្រាប។ អូវ៉ូស៊ីត II ធ្វើដំណើរ តាមដៃស្បូន ដែលនៅទីនោះមានការបង្កកំណើត ប្រសិនបើបាន ជួបនឹងស្ពែម៉ាតូសូអ៊ីត។ តែប្រសិនបើមិនបានបង្កកំណើតទេវានឹងងាប់ ហើយបញ្ចេញ ចោលក្រោមទម្រង់ជាអូវ៉ូស៊ីតII តាមឈាមរដូវ។

វគ្គផូលីគុល គឺនៅវ័យគ្រប់ការ ៣-៤ ខែមុននឹងការមករដូវ ផូលីគុលដើមកើនមាឌរហូតដល់ផូលីគុលប្រហោង។ ដូចនេះ នៅដើមវគ្គផូលីគុលក្នុងអូវែនីមួយៗមានផូលីគុលប្រហោង ប្រហែល ១០ ដែលមានអង្កត់ផ្ចិតពី 2-4 mm។ ក្នុងផូលីគុល ប្រហោងទាំងអស់នោះ មានផូលីគុលប្រហោងតែមួយប៉ុណ្ណោះ ដែលវិវត្តរហ័សជាងគេ ក្នុងរយៈពេលតែ ២-៣ ថ្ងៃដោយមាន អង្កត់ផ្ចិតពី 16 ទៅ 27 mm គេហៅថាផូលីគុលដឺក្រាប ហើយវា ក៏បញ្ចប់ការវិវត្តនៅចុងដំណាក់កាលទី 1 នៃវដ្ដរដូវ។ ចំណែក ផូលីគុលដទៃទៀតស្វិតបាត់អស់។