ម៉ង់ដែល សិក្សាពីការបញ្ជូនលក្ខណៈសភាពគ្រាប់ សណ្ដែកព័រ។ ពណ៌គ្រាប់សណ្ដែកមានទិដ្ឋភាព 2 គឹគ្រាប់ លឿងនិងគ្រាប់បៃតង។ ម៉ង់ដែល ធ្វើការបង្កាត់សណ្ដែក គ្រាប់លឿងពូជសុទ្ធ ជាមួយសណ្ដែកគ្រាប់បៃតងពូជ សុទ្ធ។ នៅជំនាន់ទី 1(F1) គាត់ទទួលបានសណ្ដែកគ្រាប់ លឿងទាំងអស់។ បន្ទាប់មកគាត់យកគ្រាប់លឿងអ៊ីប្រ៊ីត ជំនាន់ទី 1(F1)ទៅដាំ ហើយទុកឱ្យធ្វើស្វ័យបង្កកំណើត។ នៅជំនាន់ទី 2 គាត់សង្កេតឃើញថាមានគ្រាប់បៃតងមួយ ភាគលេចឡើងលាយឡំនឹងគ្រាប់លឿងបីភាគ។

យើងសិក្សាពីការបញ្ជូនលក្ខណៈពណ៌រោមកណ្ដុរ។
ពណ៌រោមកណ្ដុរមានទិដ្ឋភាព 2 គឺរោមពណ៌ប្រផេះ និង រោមពណ៌ស។ ក្នុងការបង្កាត់គេយកមេបាជាពូជសុទ្ធ។ ដើម្បីឱ្យបានឯកត្តៈជាពូជសុទ្ធចំពោះលក្ខណៈមួយ (ដូចជាកណ្ដុររោមប្រផេះពូជសុទ្ធ) គេបង្កាត់កណ្ដុរប្រផេះ ជាមួយគ្នាវា លុះបានកូនគេរើសយកតែកណ្ដុរប្រផេះមក បង្កាត់ជាមួយគ្នាទៀត។ គេធ្វើយ៉ាងនេះបន្តទៀត លុះត្រា តែនៅសន្តានក្រោយបានកូនប្រផេះទាំងអស់ទើបអាចចាត់ ទុកកណ្ដុររោមប្រផេះនេះថាជាពូជសុទ្ធបាន។ គេបង្កាត់ កណ្ដុររោមប្រផេះពូជសុទ្ធ ជាមួយកណ្ដុររោមសពូជសុទ្ធ មួយគូជាច្រើនសារជាមួយគ្នា គេទទួលបានកណ្ដុរប្រផេះ ទាំងអស់។ កណ្ដុរប្រផេះដែលជាលទ្ធផលនៃការបង្កាត់ នេះជាអ៊ីប្រ៊ីត គេហៅថាជាអ៊ីប្រ៊ីត (F1)។

ម៉ង់ដែលសន្និដ្ឋានថាលក្ខណៈនីមួយៗកំណត់ដោយ កត្តាតំណពូជ។ ចំពោះលក្ខណៈមួយឯកត្តៈមួយមានកត្តា តំណពូជ 2 នៅក្នុងកោសិកានីមួយៗនៃសារពាង្គកាយ។