កត្តាជួយឱ្យឈាមធ្វើចលនាតាមសរសៃវ៉ែនមាន ដូចជា ៖
• កត្តាទី1 សរសៃវ៉ែនភាគច្រើនស្ថិតនៅក្បែរសាច់ដុំជាប់ ឆ្អឹង។ ការកន្ត្រាក់របស់សាច់ដុំ ជួយរុញឈាម តាមបណ្ដោយសរសៃឈាម។
• កត្តាទី2 វ៉ែនធំៗនៅក្នុងរាងកាយមានប្រឹសដែល
បង្ការឈាមហូរថយក្រោយ។
• កត្តាទី3 ចលនាដង្ហើមដែលដាក់សម្ពាធច្របាច់ ទល់ទៅនឹងវ៉ែនក្នុងទ្រូង ក៏បង្ខំឈាមឱ្យរត់ឆ្ពោះ ទៅបេះដូងដែរ។

បេះដូងមាន 3 ស្រទាប់ដូចជា ៖
• ស្រទាប់ក្នុង : បង្កឡើងពីកោសិកាអេពីតេល្យូម តែមួយស្រទាប់។ វាមានផ្ទុកជាលិកាសន្ធាន ដែលភ្ជាប់ស្រទាប់់ក្នុងទៅនឹងស្រទាប់កណ្ដាល។ ស្រទាប់ក្នុងគ្មានសរសៃឈាមទេ។ លើសពីនេះ ទម្រង់កូឡូអ៊ីតរបស់វាបង្ការភាពសឹករិចរិលរបស់បេះដូង។
• ស្រទាប់កណ្ដាល : បង្កឡើងពីជាលិកាសាច់ដុំ បេះដូង។ កម្រាស់របស់ស្រទាប់កណ្ដាលមាន ការប្រែប្រួល។ ថតលើមានកម្រាស់ស្ដើង ឯថត ក្រោមមានកម្រាស់ក្រាស់។ ថតក្រោមឆ្វេងមាន ស្រទាប់ក្នុងក្រាស់ជាងថតក្រោមស្ដាំ។ កោសិកា សាច់ដុំបេះដូងមិនទទួលយកសារធាតុចិញ្ចឹមពីឈាមនៅក្នុងបេះដូងដោយផ្ទាល់ទេ។ ឈាម ខ្សត់អុកស៊ីសែនដែលប្រមូលបានពីជាលិកានៃ រាងកាយហូរចូលទៅក្នុងថតលើស្ដាំ បន្ទាប់មក ចូលទៅក្នុងថតក្រោមស្ដាំ ហើយរុញឈាមទៅសួតតាមសរសៃអាកទែសួត។ ឈាមសម្បូរ អុកស៊ីសែនត្រឡប់ចូលបេះដូង ហើយចូលទៅ ក្នុងសរសៃប្ដូរនៃស្រទាប់កណ្ដាលរបស់បេះដូងដើម្បីផ្គត់ផ្គង់សារធាតុចិញ្ចឹមដល់កោសិកា បេះដូង។ កោសិកាបេះដូងត្រូវបានផ្គត់ផ្គង់ ដោយប្រដាប់របត់ឈាមដែលមានសរសៃអាកទែកូរ៉ូណែ សរសៃប្ដូរ និងសរសៃវ៉ែន។ អាអកនាំ ឈាមសម្បូរO2 និងសារធាតុចិញ្ចឹមទៅកាន់ អាកទែកូរ៉ូណែ។ ឈាមត្រូវបានបែងចែកទៅ សរសៃប្ដូរដែលនៅទីនោះសារធាតុចិញ្ចឹម និង O2 និងទៅក្នុងកោសិកាបេះដូងតាមបន្សាយ។ តែកាកសំណល់អាសូត និង CO2សាយទៅក្នុង ឈាម ។ ឈាមខ្សត់ O2 និងកាកសំណល់ ត្រូវ ប្រមូលផ្ដុំតាមសរសៃវ៉ែនកូរ៉ូណែ បន្ទាប់មកហូរ ចូលទៅក្នុងថតលើស្ដាំ។
• ស្រទាប់ក្រៅ : បង្កឡើងពីជាលិកាសរសៃ។
លំហរវាងផ្ទៃទាំងពីរពេញទៅដោយសារធាតុរាវកូឡូអ៊ីតនៃស្រទាប់ក្រៅជួយសម្រួលនាទីរបស់បេះដូង និងការពារវាពីការប៉ះទង្គិចពីខាងក្រៅ។

ដែលហៅថាប្រដាប់របត់ឈាមទោលគឺឈាមធ្វើ ចលនាតែមួយជុំ។ហើយឈាមចេញពីបេះដូងទៅសរីរាង្គ ហើយត្រឡប់ចូលបេះដូងវិញ។ ប្រដាប់របត់ឈាមទោល មានបេះដូង2ថត។