ស្តេចដែលបានវាយអាណាចក្រភ្នំបញ្ចូលជាមួយ ចេនឡាដែលបានបង្កើតជារដ្ឋអធិបតេយ្យភាពនៅសតវត្សទី៦គឺ ព្រះបាទភវវរ្ម័ន។

រដ្ឋបាលនិងសេដ្ឋកិច្ចនៅសម័យនគរភ្នំមាន៖
• ព្រះរាជាជាស្តេចលើផែនដី សាមន្តរដ្ឋទាំងអស់ត្រូវស្មោះត្រង់នឹងព្រះរាជា ហើយនាំយកសួយសារអាករមកថ្វាយរាល់ឆ្នាំ ប្រជារាស្ត្រត្រូវបង់ពន្ធ ព្រះរាជាបានដោះស្រាយនយោបាយទឹក ធ្វើឱ្យប្រជារាស្រ្តធ្វើស្រែចំការបាន៣ដងក្នុងមួយឆ្នាំ។
• កំពង់ផែអូរកែវ ជាកន្លែងទំនាក់ទំនងពាណិជ្ជកម្មជាមួយជនបរទេសដូចជា រ៉ូម ពែក អ៊ីរ៉ង់ ចិន ឥណ្ឌា។
• ផលិតផលនាំចេញមាន ៖ មាស ប្រាក់ គ្រឿងអលង្ការ កែវ ក្រវាញ ភ្លុកដំរី កុយរមាស ឈើក្រអូប។
• ផលិតផលនាំចូលមាន ៖ សំពត់ព្រែ សូត្រ។

ចំពោះជនសង្ស័យថាមានកំហុស គេត្រូវអនុវត្តជននោះដូចជា ៖ ត្រូវឱ្យជនសង្ស័យលូកដៃយកពងមាន់ឬ ចិញ្ចៀនក្នុងទឹកកំពុងពុះ ប្រសិនបើមិនរលាកដៃជននោះត្រូវរួចទោស។

សាសនាដែលព្រះរាជា និងប្រជារាស្រ្តគោរពនៅក្នុងអាណាចក្រភ្នំគឺ ៖
• ព្រះរាជា និងនាម៉ឺនមន្ត្រី គោរពសាសនាព្រាហ្មណ៍គណៈឥសូរ វិស្ណុ និងហរិហរៈ។
• ប្រជារាស្ត្រគោរពព្រះពុទ្ធសាសនា គោរពដូនតា បុព្វបុរស និងអារុក្ខអារក្សអ្នកតា។