នគរូបនីយកម្មនៅកម្ពុជាយើងសព្វថ្ងៃ ជួបប្រទះនឹងបញ្ហាដូចជាៈ
• ហេដ្ឋារចនាសម្ព័ន្ធនៅតាមទីក្រុង
• ខ្វះនូវបណ្តាញទឹកស្អងាត អគ្គិសនី
• បញ្ហាសម្រាមនៅតាមទីក្រុង
• បរិស្ថានទីក្រុងអាប់អួរ
• សំណង់អនាធិបតេយ្យ
• អសន្តិភាព ចោរកម្ម
• បញ្ហាកង្វះអនាម័យ… ។

សម្បទានដីសង្គមកិច្ចថ្នាក់ជាតិដែលផ្តើមដោយក្រសួងស្ថាប័នពាក់ព័ន្ធមួយឬច្រើនអាចធ្វើៈ
• នៅកន្លែងតាំងទីលំនៅថ្មី សម្រាប់គ្រួសារផ្លាស់ប្តូរទីកន្លែងឬរង់ចាំសំណង់នៅទីប្រជុំជន
• នៅតំបន់ជាទីតាំងសម្បទានដីសេដ្ឋកិច្ច ដើម្បីគ្រួសារអាចអភិវឌ្ឍន៍កសិឧស្សាហកម្ម
• នៅតំបន់សាច់ស្រយាល ដែលប្រជាពលរដ្ឋគ្មានដីលំនៅដ្ឋាននិងដីដាំដុះនិងចំនួនប្រជាពលរដ្ឋមិនទាន់គ្រប់គ្រាន់ដើម្បីអភិវឌ្ឍន៍ដីនោះ ។

សម្បទានដីសង្គមកិច្ចគឺជាការផ្តល់ដីជាកម្មសិទ្ធិឯកជនរបស់រដ្ឋដោយឥតគិតថ្លៃទៅឲ្យគ្រួសារដែលមានសមាជិកច្រើនជាងដប់នាក់ ។

ទីក្រុងជាសហគមន៍ធំជាងភូមិ។ ប្រព័ន្ធគមនាគមន៍នៅទីក្រុងមិនមែនបម្រើតែសេចក្តីត្រូវការចំពោះមនុស្សរស់នៅក្នុងក្រុងប៉ុណ្ណោះទេ តែវាក៏បម្រើ សេចក្តីត្រូវការ ដល់អ្នករស់នៅជនបទផងដែរ។ នៅក្នុងទីក្រុងមានអគារខ្ពស់ៗ រថឈ្នួលគ្រប់ប្រភេទ ក្រៅពីនេះមានសាលារៀន សាកលវិទ្យាល័យ មន្ទីរពេទ្យ ផ្សារធំៗ ស្ថានីយពន្លត់អគ្គីភ័យរោងចក្រ សារមន្ទីរ។ ក្រុងខ្លះមានអាកាសយានដ្ឋាន ក្រុងខ្លះមានឆ្នេរសមុទ្រ ហើយក្រុងខ្លះទៀតជាមជ្ឈមណ្ឌលទេសចរណ៍។ ទីក្រុងមានអាកាសធាតុមិនបរិសុទ្ធដូចជនបទទេ។ ជនបទ និងទីក្រុងត្រូវតែមានទំនាក់ទំនងគ្នាជានិច្ច ព្រោះប្រជាជនតែងធ្វើដំណើរចេញចូលប្រកបរបរទទួលទាន រកការងារធ្វើ សំរាកក្នុងមន្ទីរពេទ្យ ។ ភ្នំពេញជារាជធានីនិងជាមជ្ឈមណ្ឌលវប្បធម៌របស់ប្រទេសកម្ពុជា។

គ្រប់កន្លែងនៅលើពិភពលោក យើងឃើញតំបន់ធម្មជាតិល្អស្រស់ត្រកាលជាច្រើនកន្លែង។ រដ្ឋបានថែរក្សា ព្រៃធម្មជាតិមានតំលៃទាំងនេះយ៉ាងពិសេស និងចំនាយប្រាក់លើការថែទាំងដើម្បីទាក់ទាញភ្ញៀវទេសចរជាតិ និងអន្តរជាតិចូលមកទស្សនាអោយបានច្រើន។ សួនទាំងនោះគេហៅថា “សួនឧទ្យានជាតិ”។ សត្វព្រៃគ្រប់ប្រភេទក្នុងសួនឧទ្យានជាតិត្រូវបានគេពិនិត្យ និងយាមល្បាតយ៉ាងហ្មតចត់។ នៅប្រទេសកម្ពុជាយើងមានសួនឧទ្យានជាតិ និងរមណីដ្ឋានទេសចរជាច្រើនកន្លែង សួនឧទ្យានគីរីរម្យនិងភ្នំតាម៉ៅមានសត្វព្រៃជាច្រើនប្រភេទ។ ចំពោះសួនឧទ្យានជាតិធំៗ មាននៅទ្វីបអាមេរិច អាស៊ី និងអាព្រិច។ ឧទ្យានជាតិធំជាងគេបំផុតមានឈ្មោះថា សួនប៊ីហ្វួឡូវូត មានផ្ទៃធំជាង ៤៥០០០គីឡូម៉ែត្រការេ នៅណាមីប៊ីសួនអេតូស្សា មានផ្ទៃ ២៣០០០គីឡូម៉ែត្រការេ បន្ទាប់មកមាននៅប្រេស៊ីស សួននេព្លីណា និងបាហ្វីនអាយឡិន កិនីយានស្តាវូ កាណាឌានកូអាន សុទ្ធតែមានផ្ទៃធំជាង ២០ ០០០គីឡូម៉ែត្រការេ។ ក្រៅពីនេះមានសួនឧទ្យានជាតិតូចៗជាច្រើនកន្លែងទៀត ដែលមានផ្ទៃចន្លោះពី ១០០០០គីឡូម៉ែត្រការេ ដល់ ១២០០០គីឡូម៉ែត្រការេ ដូចជានៅស៊ីលី អង់គ្លេស និងកាណាដាជាដើម។