បច្ចុប្បន្ននេះក្រសួងអប់រំ យុវជននិងកីឡាមានចក្ខុវិស័យដូចជា ៖ • កសាងនិងអភិវឌ្ឍធនធានមនុស្សប្រកបដោយគុណភាព និងគុណធម៌ប្រសើរបំផុតគ្រប់ផ្នែក • កសាងសង្គមកម្ពុជាឱ្យក្លាយជាសង្គមរីកចម្រើនផ្នែកមនុស្សប្រកបដោយគុណភាព និងគុណធម៌ប្រសើរបំផុតគ្រប់ផ្នែក • កសាងសង្គមកម្ពុជាឱ្យក្លាយជាសង្គមរីកចម្រើនផ្នែកចំណេះដឹង និងចំណេះធ្វើជាមូលដ្ឋាន ។

ដែលហៅថា ឃានរូបារម្មណ៍ គឺជារូបបារម្មណ៍ដែលអ្នកនិពន្ធនាំឲ្យអ្នកអាន អ្នកសតាប់ឲ្យហាក់ដូចជាទទួលបាននូវក្លិនអ្វីមួយដោយផ្ទាល់នឹងច្រមុះផ្ទាល់ ។ ( តាមការរៀបរាប់របស់អ្នកនិពន្ធ ) ។ ឧទាហរណ៍ ៖ • ក្រអូបប្រហើរនៃកម្រងផ្កាម្លិះ … • ទឹកអប់ក្រអូបឆួល… • ក្លិនថ្ពាល់ស្រីក្រអូបឈ្ងុយឈ្ងុប់… • ត្រីនេះមានក្លិនឆ្អាបណាស់… • ក្លិនស្អុយអសោកនៃសាកសព… • ក្លិនស្រូវក្រអូបប្រហើរ… • ក្លិនក្រអូបនៃផ្លែធូរ៉េនទុំ… ។

ដែលហៅថា ជីវ្ហារូបារម្មណ៍ គឺជារូបារម្មណ៍របស់អ្នកនិពន្ធនាំឲ្យអារម្មណ៍អ្នកអាន អ្នកស្តាប់ឲ្យហាក់បីដូចជាកំពុងទទួលយករស់ជាតិ បែបណាមួយដោយផ្ទាល់អណ្តាតតាមរយៈការរៀបរាប់របស់អ្នកនិពន្ធ ។ ឧទាហរណ៍៖ • គ្រាប់ស្លែងតែងល្វីងណាស់… • ម្ទេសនេះហិរណាស់… • នំនេះផ្អែមឡើងខះក… • សម្លប្រៃឡមៗ… • ស៊ុបនេះរាងភ្លាវ… • សា្រនេះល្វីងៗ… • ខ្វិតខ្ចីចត់ណាស់… ។

ដែលហៅថា កាយរូបារម្មណ៍ គឺជារូបារម្មណ៍ដែលកើតចេញពីពាក្យពេចន៍ ឃ្លោងឃ្លា ប្រយោគ របស់អ្នកនិពន្ធទាក់ទង់ជាមួយនឹង តួកាយសម្ជស្ស សាច់ស្បែកដោយបញ្ជូននូវលក្ខណៈសិល្បៈរស់រវើកធ្វើឲ្យអ្នកអាន អ្នកស្តាប់មានអារម្មណ៍ហាក់ដូចជារូបរាងរបស់ខ្លនកំពុងតែទទួលរងការប៉ះពាល់ផ្លូវកាយនោះដោយផ្ទាល់ ។ ឧទាហរណ៍ ៖ អង្អែលត្រង់ណា រំភើបមំសា ...

ទណ្ឌកម្មក្នុងច្បាប់ស្តីពីការអប់រំមាន ៖ • ការបង្កើតគ្រឹះស្ថានសិក្សាដោយគ្មានអាជ្ញាប័ណ្ណ ពិន័យអន្តរការណ៍ ២ លានទៅ ១០លាន (មិនរាងចាលទ្វេដង) ប្រើប្រាស់ប្រភេទគ្រឹះស្ថានសិក្សាមិនសមស្របដូចគ្នាពិន័យ អន្តរកាល ១លានដល់៥លាន (មិនរាងចាលទ្វេដង) ឬត្រូវព្យួរបណ្តោះអាសន្ន ឬដកហូតអាជ្ញាប័ណ្ឌអប់រំ • បទលើសពាក់ព័ន្ធនិងការផ្តល់វិញ្ញាប័នបត្រឬសញ្ញាបត្រផ្តន្ទាទោសពិន័យប្រាក់ ២លាន ទៅ៦លាន និងដាក់គុកពី១ឆ្នាំ ទៅ ៣ឆ្នាំ • ការបន្លំក្នុងការប្រឡងសាមីជន ឬជនណាប្រឡងជំនួសពិន័យអន្តរកាលពី១លាន ទៅ៥លាន (បើមិនរាងចាលទ្វេដង)និងព្យួរមិនឱ្យចូលប្រឡងក្នុងរយៈពេល២ឆ្នាំ ឬមិនឱ្យប្រឡងតែម្តងចំពោះដែលប្រឡងជំនួសឬបន្លំគ្រប់រូបភាពផ្តន្ទាទោសតាមច្បាប់ជាធរមាន

ដែលហៅថា គ្រូបង្រៀនគឺ ៖ • គ្រូបង្រៀនសំដៅដល់ បុគ្គលិកបង្រៀននៃបុគ្គលិកអប់រំនៅគ្រឹះស្ថានសិក្សាសាធារណៈនិងគ្រឹះស្ថានសិក្សាឯកជនដែលមានអាជ្ញាប័ណ្ណអប់រំត្រឹមត្រូវ • សំដៅដល់មន្ត្រីដែលកំពុងបម្រើការក្នុងវិស័យអប់រំ និងបានឆ្លងកាត់ការបណ្តុះបណ្តាលគរុកោសល្យទទួលស្គាល់ដោយក្រសួងទទួលបន្ទុកវិស័យអប់រំ និងសាស្រ្តាចារ្យដែលបម្រើការនៅឩត្តមសិក្សា ។

ដែលហៅថា សីលធម៌វិជ្ជាជីវៈ គឺជាសីលធម៌ដោយឡែកសម្រាប់អ្នកដែលត្រូវចូលរួមបំពេញមុខងារអ្វីមួយក្នុងសង្គម ។ នៅក្នុងសង្គមនីមួយៗមានសីលធម៌ដោយឡែកៗសម្រាប់សង្គមនោះ ។ ឯក្នុងមុខរបរនីមួយៗក៏មានសីលធម៌ពិសេសសម្រាប់មុខរបរនោះដែរ ។ ដូចនេះមន្រ្តីរាជការដែលប្រកបមុខរបរអ្វីមួយត្រូវតែមានការយល់ដឹងពីសីលធម៌ដែលទាក់ទងដល់មុខរបរនោះ ។

ដើម្បីឱ្យគ្រូបង្រៀន ឬបុគ្គលិកអប់រំមានមនសិការវិជ្ជាជីវៈត្រូវមានគុណសម្បត្តិដូចខាងក្រោម ៖ • មាននិយ័តភាពក្នុងការងារ • មានភាពវាងវៃនិងគំនិតច្នៃប្រឌិត • គំនិតចង់ធ្វើឱ្យមានការរីកចម្រើននិងកាន់តែល្អជាមុន • មានចិត្តចង់បំពេញការងារ • មិនខ្ជីខ្ជាធ្វើឱ្យតែរួចពីដៃ ។

ក្នុងនាមជាគ្រូបង្រៀនម្នាក់ចាំបាច់ត្រូវមានសមត្ថភាពគរុកោសល្យ ៖ • មានសមត្ថភាពក្នុងការបង្ហាត់បង្រៀន • មានសមត្ថភាពក្នុងការគ្រប់គ្រងថ្នាក់រៀន • មានសមត្ថភាពក្នុងការអប់រំ • មានសមត្ថភាពក្នុងការយល់ដឹងពីលក្ខណៈដោយឡែករបស់សិស្ស • មានសមត្ថភាពឈរលើភាពយុត្តិធម៌និងសមត្ថភាពម្ចាស់ការ • មានសមត្ថភាពបង្កបរិយាកាសរីករាយក្នុងសាលារៀន • មានសមត្ថភាពយកចិត្តទុកដាក់លើសុខទុក្ខរបស់អ្នកសិក្សា • មានសមត្ថភាពប្រែក្លាយឯកសារ • មានសមត្ថភាពទំនាក់ទំនងរវាងគ្រូនិងសិស្ស និងគ្រូជាមួយសហការី ។

ក្នុងនាមជាគ្រូបង្រៀនម្នាក់ ចាំបាច់ត្រូវមានគុណសម្បត្តិដូចជា ៖ • គុណសម្បត្តិរូបរាងកាយ ឬកាយសម្បទាគ្រប់គ្រាន់សមរម្យ • គុណសម្បត្តិសីលធម៌ ឬសីលសម្បត្តិ និងគរុកោសល្យ • គុណសម្បត្តិផ្នែកបញ្ញា និងចិត្តវិទ្យា ។