• តម្លៃនៃមិត្តភាពគឺស្ថិតនៅលើភាពស្មោះត្រង់ និងការយល់ចិត្ត ពីព្រោះភាពស្មោះត្រង់ និងការយល់ចិត្ត គឺធ្វើ ឱ្យមនុស្សមានភាពសុខដុម និងសន្តិភាព ។ ក្រៅពីភាពស្មោះត្រង់ និងការយល់ចិត្តនេះ តម្លៃនៃមិត្តភាពក៏ស្ថិតនៅ លើសន្តានចិត្ត ការចេះជួយគ្នាទៅវិញទៅមក ការឱ្យតម្លៃ និងការគោរពគ្នាក្នុងភាពជាមមនុស្សដូចគ្នា។

មិត្តភក្តិអាចកើតមានឡើងរវាងភេទដូចគ្នា និងភេទផ្ទុយគ្នា គ្រប់វ័យ គ្រប់ស្រទាប់វណ្ណៈ គ្រប់ជាតិសាសន៍ ផ្សេងៗផងដែរ។

មិត្តល្អមានលក្ខណៈសម្បត្តិដូចជា៖
• ក.ការយល់ចិត្ត ជាសមត្ថភាពក្នុងការយល់ចិត្ត គំនិត សេចក្តីត្រូវការ អារម្មណ៍របស់មិត្តឬអ្នកដទៃ
• ខ.សមានចិត្ត ជាចិត្តស្មោះស្មើរ ចិត្តមានសភាពទោរទន់រកគ្នា ដោយសេចក្តីស្រឡាញ់ និងមានការជួយសម្រាលទុក្ខឬ បញ្ហារបស់នរណាម្នាក់
• គ.ការការពារៈ ជាការរារាំង ការឃាត់ឃាំងឬទប់ស្កាត់សកម្មភាពឬហេតុការណ៍អ្វីមួយៗមិនឱ្យកើតមាន ក្នុងគោល បំណងរក្សាសុវត្ថិភាពផ្ទាល់ខ្លួន និងអ្នកដទៃ។
• ឃ.ការទុកចិត្ត ការជឿឬជំនឿលើមិត្ត ឬនរណាម្នាក់ ជាតម្លៃខាងផ្លូវចិត្ត និងជាបំណងល្អលើមិត្ត។
• ង.ភាពស្មោះត្រង់ ជាតម្លៃមួយដ៏ល្អប្រសើរបំផុត ជាភាពស្មោះអស់ពីចិត្តគ្មានអ្វីលាក់លៀម។

អំពីតម្លៃស្រ្តីនៅក្នុងសង្គមខ្មែរ។ ដោយមានឧទាហរណ៍មកបញ្ជាក់៖
ក្នុងពេលបច្ចុប្បន្ននេះ ស្រ្តីត្រូវបានសង្គមលើកកម្ពស់និងផ្តល់តម្លៃយ៉ាងខ្លាំងឱ្យមានភាពស្មើគ្នាដូចបុរសទៅលើការសិក្សារៀនសូត្រ ការរស់រានមានជីវិត ការចូលរួមអភិវឌ្ឍន៍ក្នុងសហគមន៍ និងការប្រឡងប្រជែងនានាលើគ្រប់វិស័យ ដើម្បីធានាថា ស្រ្តីមិនត្រូវបានគេរើសអើងឡើយ។ ឧទាហរណ៍៖ រាជរដ្ឋាភិបាលបានអនុញ្ញាតឱ្យស្រ្តីមានឱកាសដូចបុរសក្នុងការប្រឡងចូលបម្រើការងារចូលវិស័យសាធារណៈ។