ដើម្បីរក្សានិងពង្រឹងមិត្តភាពរបស់យើងគប្បី៖
• ជ្រោមជ្រែងគ្នា
• លើកទឹកចិត្តគ្នា
• មិនចោលគ្នាទាំងពេលសប្បាយនិងកើតទុក្ខ
• ការដាស់តឿនគ្នា
• ការផ្លាស់ប្តូរយោបល់គ្នា
• កែលំអគ្នាដោយស្ថាបនា
• នឹងស្វែងរកភាពរីកចំរើនឱ្យគ្នា
• ការផ្តល់តម្លៃឲ្យគ្នា
• ការចេះក្រែងចិត្តគ្នា។

មិត្តល្អមានបួនប្រភេទដែលគួររាប់រក៖
មិត្តមានឧបការៈ
• មិត្តមានការទំនុកបម្រុង
• អធ្យាស្រ័យល្អ
• ចេះលើកលែងកំហុស
មិត្តចិត្តមួយថ្លើមមួយ
• ចេះរួមសុខទុកជាមួយគ្នា
• មានសេចក្តីស្មោះត្រងជាមួយគ្នា
• ចេះជួយទុក្ខធុរៈគ្នា មិនបោះបង់គ្នាចោល គ្រប់កាលៈទេសៈ
មិត្តណែនាំឱ្យធ្វើតែអំពើល្អ
• ណែនាំឱ្យមិត្តតាំងខ្លួននៅក្នុងអំពើល្អនិងរស់នៅដោយគន្លងធម៌
• ហាមប្រាមគេប្រសិនបើគេធ្វើអំពើមិនល្អ
មិត្តមានទឹកចិត្ត
• ជួយលួងលោម និងរំលែកទុក្ខជាមួយមិត្តពេលមិត្តមានទុក្ខ
• ជួយត្រេកអរនិងជួយសប្បាយរីករាយ ជាមួយមិត្ត ពេលមិត្តបានសុខ
• ពេលគេនិយាយបង្អួចកេរ្តិ៍ឈ្មោះមិត្ត ជួយនិយាយការពារមិត្ត។

ចំណុចសំខាន់ៗរួមមានចំពោះមិត្តភាពយើងត្រូវ៖
• ការគោរពគ្នា : ការគោរពចំពោះគ្នាទៅវិញទៅមក ផ្តល់កិត្តិយស ទទួលស្គាល់លក្ខណៈដោយឡែករបស់បុគ្គល ម្នាក់ៗ មិនរំលោភបំពាន មិនកេងប្រវ័ញ្ចចំពោះមិត្ត ជាការរក្សាចំណងមិត្តភាពបានយូរអង្វែង។
• ទំនួលខុសត្រូវ : មិត្តល្អចេះបែងចែកការបំពេញកាតព្វកិច្ចប្រកបដោយស្មារតីទទួលខុសត្រូវ និងចេះបែងចែក គុណ និងទោស។
• ការចេះយោគយល់អធ្យាស្រ័យ : ការទទួលស្គាល់តម្រូវការដោយឡែករបស់មិត្ត ដូចជាមិត្តមានគំនិតយោបល់ ខុសពីយើង ឬការជ្រើសរើសវត្ថុប្រើប្រាស់ផ្ទុយពីយើងជាដើម។
• ការចេះចែករំលែក : មិត្តភាពដែលល្អ ដោយសារការលះបង់កម្លាំងកាយចិត្តដើម្បីមិត្តភាព មិនគិតប្រយោជន៍ ផ្ទាល់ខ្លួន តែគិតអំពីផលប្រយោជន៍ទាំងសងខាង។
• ការយកចិត្តទុកដាក់ : ការព្រួយបារម្ភ ផ្តោតអារម្មណ៍លើតម្រូវការរបស់មិត្ត ចេះឈឺឆ្អាលចំពោះគ្នាទៅវិញទៅ មកនឹងជួយឱ្យសម្ព័ន្ធភាពកាន់តែរឹងមាំ។