ស្ថិតនៅត្រង់វាលទំនាបកណ្តាលនៃទន្លេមេគង្ក ក្នុងតំបន់បាសាក់នៃប្រទេសឡាវសព្វថ្ងៃនិងតំបន់ខាងត្បូង
ខ្ពង់រាបកូរ៉ាត់ប្រទេសថៃទល់ទន្លេមេណាមនិងវាលទំនាបទន្លេមេគង្កខាងជើងត្រង់តំបន់ប៉ាក់សេវត្តភូ(ឡាវ)។

អាណាចក្រភ្នំ៖
-គ្មានប្រព័ន្ធតុលាការច្បាស់លាស់
-ទោសធ្ងន់ត្រូវបោះឱ្យខ្លាឬក្រពើស៊ី
-ជនសង្ស័យត្រូវលូកដៃយកចិញ្ចៀន ឬ ពងមាន់ក្នុងទឹកក្តៅ ដើម្បីបង្ហាញភស្តុតាង។
*សម័យបច្ចុប្បន្ន៖
-មានប្រព័ន្ធតុលាការច្បាស់លាល់
-ទោសធ្ងន់ត្រូវទទួលទោសតាមនិតីច្បាប់របស់រដ្ឋ
-ជនសង្ស័យត្រូវមានការតាមដាន និងស៊ើបអង្កេតពីសមត្ថកិច្ច។

*អាណាចក្រភ្នំ៖
-ប្រជាជនរស់នៅប្រមូលផ្តុំជាភូមិ មានផ្ទះពី ៥០ ទៅ ៦០ខ្នង
-ស្រះទឹកប្រើរួមគ្នា
-មនុស្សប្រុស ចងក្បិនលែងខ្លួនទទេ ឯមនុស្សស្រីចោមពុង
-ដើរដោយជើងទទេ។
*សម័យបច្ចុប្បន្ន៖
-ប្រជាជនរស់នៅជាសហគមន៍ មានផ្ទះពី រាប់រយខ្នង
-មានទឹកប្រើប្រាស់រៀងៗខ្លួន
-មនុស្សប្រុស និងមនុស្សស្រីស្លៀកពាក់ដោយសេរី មានសំលៀកបំពាក់សមរម្យ
-មានស្បែកជើងពាក់។

ទំនាក់ទំនងរវាងព្រះបាទហ៊ុនទៀន និង ការកកើតអាណាចក្រភ្នំ៖
ព្រះបាទហ៊ុនទៀនជាព្រាហ្មណ៍មកពីឥណ្ឌា ដែលបានមកធ្វើសង្គ្រាមជាមួយព្រះនាងលីវ យី ដែលជាស្តេចស្រីនៅតំបន់នោះ ហើយបានច្បាំងឈ្នះព្រះនាងលីវ យី។ បន្ទាប់មកទ្រង់បាន រៀបអភិសេក រួចឡើងជាស្តេចនៃអាណាចក្រភ្នំ និងបានបង្កើតជារដ្ឋដំបូងនៃប្រទេសខ្មែរ ទ្រង់តាំងរាជធានី នរវរនគរ (អង្គរបូរី ខេត្តតាកែវ) ដែលមានរបៀបគ្រប់គ្រង រដ្ឋបាល សាសនា និង អក្សរសាស្រ្ត តាមបែបឥណ្ឌា។