ដើមឡើយមនុស្សរស់នៅជាចរកជនតាមរូងភ្នំ យកថ្មមកបំបែកធ្វើជាអាវុធ បរិភោគសាច់ឆៅ បេះផ្លែឈើ ប្រើកាយវិការសម្រាប់ទាក់ទងគ្នា។ បន្ទាប់មករស់នៅជាកុលសម្ព័ន្ធតាមរូងភ្នំ សង់ផ្ទះខ្ពស់ផុតពីដី រកឃើញភ្លើង បរិភោគសាច់ឆៅសាច់ឆ្អិន បេះផ្លែឈើ ក្រោយមកឈប់រស់នៅជាចរកជន ចេះសង់ផ្ទះផុតពីដីក្បែរមាត់ទឹក ចេះយកថ្មមកសំលៀងឲ្យមុតស្រួចធ្វើអាវុធ បរិភោគសាច់ឆៅសាច់ឆ្អិន បេះផ្លែឈើបន្លែលើសពីនោះទៀតមនុស្សចេះយកលោហៈធ្វើជាអាវុធ ចេះប្រើថ្ម ដីឥដ្ឋ ឈើឆ្អឹងសត្វធ្វើសម្ភារប្រើប្រាស់និងចេះធ្វើកសិកម្ម សិប្បកម្ម និងផ្សាំងសត្វ។

ខួរក្បាលមនុស្សមានទំហំស្រដៀងគ្នានិងសត្វស្វាដោយមានការវិវត្តន៍ពីសត្វស្វាមកមនុស្សគឺការគិតប្រហាក់ប្រហែលសត្វគិតអ្វីធ្វើនឹងក្រោយមកខួរក្បាលមនុស្សបានកែប្រែទៅតាមធម្មជាតិនៃការរស់នៅ មានការគិតផ្លាស់ប្តូរបន្តិចម្តងៗគឺមានន័យថាខួរក្បាលមនុស្សចាប់រីកធំមានការគិតវែងឆ្ងាយជាងមុននិងវិវត្តន៍ខ្ពស់និងតាមដំណាក់កាលនៃយុគសម័យ។

ពីការវិវត្តន៏របស់មនុស្សនៅយុគថ្មរំលីង(៨០០០ដល់៤០០០ឆ្នាំមុនគស)ឈប់រស់នៅជាចរកជនរស់នៅជាកុលសម្ព័ន្ធតាមរូងភ្នំសង់ផ្ទះខ្ពស់ផុនពីដីក្បែរមាត់ទឹកហើយយកថ្មសំលៀងឱ្យមុតស្រួចធ្វើអាវុធបរិភោគសាច់ឆៅសាច់ឆ្អិនផ្លែឈើនិងបន្លែ។

ពីការវិត្តន៍របស់មនុស្សនៅយុគថ្មបំបែក(៦០០០០០ដល់១២០០០០ឆ្នាំមុនគស)រស់នៅជាចរកជនឬជាកុលសម្ព័ន្ធតាមរូងភ្នំហើយយកថ្មបំបែកធ្វើអាវុធ បរិភោគសាច់ឆៅនិងផ្លែឈើហើយប្រើកាយវិការទាក់ទងគ្នា។