តាមរយៈសេចក្ដីពន្យល់ខាងលើ ចូរបង្ហាញពីសកម្មភាពរបស់ឧស្សាហ៍នៅក្នុងវិស័យវប្បធម៌ ។

ក្រោយពេលប្រឡងបាក់ឌុបជាប់ ឧស្សាហ៍មានបំណងបន្តការសិក្សានៅឧត្ដមសិក្សា និងថ្នាក់ក្រោយឧត្ដមសិក្សានៅបរទេសផងដែរ ។ នាងជឿថាការសិក្សាខ្ពង់ខ្ពស់នឹងជួយឱ្យនាងមានអនាគតល្អប្រសើរ ។ ប៉ុន្ដែឪពុកម្ដាយរបស់នាង មិនចង់ឱ្យនាងរៀនបន្តឡើយ ដោយគាត់គិតថាកូនស្រីមិនបាច់រៀនសូត្រច្រើនពេកក៏បាន ណាមួយពួកគាត់បារម្ភពីសុវត្ថិភាពកូនរបស់គាត់ និងបារម្ភខ្លាចកូនស្រីភ្លើតភ្លើនភ្លេចប្រពៃណីពេលរស់នៅឆ្ងាយពីផ្ទះ ។ យ៉ាងណា ឧស្សាហ៍បានព្យាយាមពន្យល់ និងអះអាងចំពោះឪពុកម្ដាយយ៉ាងមុតមាំថា នាងនឹងខិតខំរៀនសូត្រដើម្បីអនាគត និងមិនប្រព្រឹត្តផ្ដេសផ្ដាសកន្លងប្រពៃណីដូចដែលឪពុកម្ដាយបារម្ភឡើយ ។ ឪពុកម្ដាយក៏ជឿជាក់លើឧស្សាហ៍ និងយល់ព្រមឱ្យនាងរៀនបន្ត ។ ពេលសិក្សានៅក្រៅប្រទេស ឧស្សាហ៍បានស្គាល់មនុស្សជាច្រើនដែលមកពីប្រទេសផ្សេងៗ ។ ទោះបីមានវប្បធម៌ ទំនៀមទម្លាប់ និង សាសនាខុសគ្នា ក៏ឧស្សាហ៍នៅតែអាចសម្របខ្លួន និងមានទំនាក់ទំនងល្អនឹងសិស្សៗឯទៀតបានផងដែរដោយមិនប្រកាន់រើសអើង ឬមានអស្មិមានៈឡើយ ។
តាមរយៈសេចក្ដីពន្យល់ខាងលើ ចូរបង្ហាញពីសកម្មភាពរបស់ឧស្សាហ៍នៅក្នុងវិស័យវប្បធម៌ ។