General Knowledge

លិខិតមាន៦គឺ៖ • លិខិតកោះហៅ • លិខិតស្នើសុំធ្វើការពន្យាពេលនៃការឃាត់ខ្លួន • លិខិតបញ្ជាក់អំពីសុខភាព • លិខិតកោសលវិច័យ • លិខិតយល់ព្រមឲ្យធ្វើការឆែកឆេរ ។

ក្នុងរបបប្រជាធិបតេយ្យបែបចម្រុះដូចជានៅប្រទេសបារាំងជាដើម ពលរដ្ឋបោះឆ្នោតថ្នាក់ជាតិពីរលើក។ មួយគឺបោះឆ្នោតរើសសមាជិកសភាហើយសមាជិកសភាបក្ខឈ្នះ ជ្រើសរើសនាយករដ្ឋមន្ត្រីឲ្យបង្កើតរដ្ឋាភិបាល និងធ្វើជាប្រមុខរដ្ឋាភិបាល។ មួយទៀតពលរដ្ឋបោះឆ្នោតរើសប្រធានាធិបតី ឲ្យតំណាងប្រទេសជាតិទាំងមូល។ របបនេះមាននាយករដ្ឋមន្ត្រីផង មានប្រធានាធិបតីផង។

សេដ្ឋកិច្ចអាល្លឺម៉ង់ខាងកើតពឹងផ្អែកលើ៖ • វិស័យឩស្សាហកម្ម : មានធ្យូងថ្មជាគ្រឹះនៃថាមពល និងប្រើប្រាស់មនុស្សយន្តបំពេញកង្វះខាតកម្មករ។ • វិស័យពាណិជ្ជកម្ម : មានដៃគូពាណិជ្ជកម្មជាមួយអឺរ៉ុបខាងលិចពិសេសអាល្លឺម៉ង់ខាងលិច។ • វិស័យកសិកម្ម : មានការបែងចែកដីដើម្បីដាំដុះ និងចិញ្ចឹមសត្វ ។

ចំនុចសំខាន់នៃការចាប់ផ្ដើមនៃសង្គ្រាមត្រជាក់ គឺផ្កើមចេញពីបញ្ហាអាឡឺម៉ង់នៅពេលដែលប្រទេសនេះក្លាយទៅជាទីប្រសព្វមុខនៃមនោគមវិជ្ជាទាំងពីរក្រោយពីការបញ្ចប់សង្គា្រមលោកលើកទី ២ ។

ទ្វីបដែលមានអត្រាជំងឺអេដស៍ខ្ពស់ជាងគេគឺ ទ្វីបអាហ្រ្វក ។ ហើយវ័យដែលប្រឈមនឹងជំងឺអេដស៍ច្រើនជាងគេគឺចាប់់ពីវ័យ១៥ទៅ៣៦ឆ្នាំព្រោះវ័យនេះជាមនុស្សពេញវ័យងាយប្រឡូកក្នុងការរួមភេទនិងភាពច្រើនជាមនុស្សចំណូលប្រើប្រាស់គ្រឿងស្រវឹងដែលធ្វើឲ្យបាត់បង់សា្មរតីភ្លេចប្រើសោមអនាម័យនៅពេលរួមភេទឬក៍បានប្រើដែលតែប្រើមិនបានត្រឹមត្រូវ ។

កោនមាននាទីជាអ្នកផ្ទុកកោសិកា បន្តពូជ ( ស្ពែម៉ាតូសូអ៊ីតចំពោះកោនឈ្មោល ឯអូអូស្វ៊ែចំពោះកោនញី ) ។

ការអប់រំមានឥទ្ធិពល យ៉ាងខ្លាំងចំពោះអាពាហ៏ពិពាហ៏ លទ្ធភាពបង្កើតកូន និងមរណភាព។ មានន័យថាប្រសិនបើស្រ្តីនិងបុរសនៅតែបន្តការសិក្សា បានវែងឆ្ងាយ នោះពួកគេនឹងពន្យាការរៀបអាពាហ៏ពិពាហ៏ទាំងនៅវ័យក្មេងដែរ ហើយលទ្ធភាពបង្កើតពីនេះទៅទៀតអត្រាមរណភាពរបស់កុមារទាប។ ម៉្យាងទៀតបើពួកគេ បានទទួលការអប់រំបានច្រើននោះពួកគេនឹងមានការយល់ដឹងច្រើនពីផលវិបាកនៃការមានកូនច្រើន ដែលជាមួយហេតុធ្វើឲ្យគ្រួសារពួកគេប្រឈមនឹងបញ្ហាជីវភាពគ្រួសារក្រីក្រជាដើម ។

មធ្យោបាយអភិរក្សធនធានរ៉ែ ដោយរកធនធានរ៉ែដទៃទៀតមកជំនួសនិងកំនែច្នៃជាថ្មី បានផ្តល់សារប្រយោជន៍ចំពោះបរិស្ថានៈ • ព្យារយៈពេលនៃការផ្គត់ផ្គង់រ៉ែ តាមការកាត់បន្ថយបរិមាណរួបធាតុដែលត្រូវទាញយក។ • ទាមទារថាមពលតិចជាងការទាញយករ៉ែពីក្នុងដី។ • មានការពុលតិច និងធ្វើអោយខូចខាតដីតិច។ • បន្ថយថ្លៃចាក់សំណល់ចោល និងពន្យាអាយុកន្លែងទុកដាក់សំណល់តាមរយៈការកាត់បន្ថយមាឌសំណល់រឹង។ • កាត់បន្ថយផលប៉ះពាល់បរិស្ថាននៃការទាញយក និងការធ្វើប្រព្រឹត្តកម្មរ៉ែ។

• ឫស្សី ជាប្រភេទរុក្ខជាតិបន្តពូជដោយពន្លកថ្មី គឺទំពាំងមិនមែនដោយសារការបណ្តុះគ្រាប់ដូចចរុក្ខជាតិដទៃមួយចំនួនធំឡើយ ។ ពន្លកថ្មីឬត្រពាំង ដែលដុះចេញពីគល់ឫស្សីនោះនឹងត្រូវជំនួសឫស្សីវិញក្រោយពីវាលូតលាស់ពេញលេញរួចហើយ ។ ទំពាំងអាចលូតលាស់បានហើយអាចនឹងក្លាយជាអ្នកស្នងឫស្សីបានលុះត្រាតែមានឫស្សីស្រ ករមុនការពារពីការបោរកបក់នៃខ្យល់ ពោលគឺ ទំពាំងគង់វង្ស ឬមិនគង់វង្សអាស្រ័យលើការការពាររបស់ឫស្សី ។ • កុមារ គឺជាមនុស្សទើបតែបង្កើតថ្មី ឋិតក្នុងវ័យងាយរងគ្រោះមានលក្ខណៈផុយស្រួយដែលចាំបាច់ត្រូវមានការការពារការថែទាំពីរមនុស្សធំមនុស្សចាស់ ។ ក្រោយពីមានកំណើតកុមារមានការលូតលាស់ទាំងកាយសម្បទា បញ្ញាសម្បទា ចិត្តសម្បទា សីលសសម្បទាក្រោមការថែទាំការផ្គត់ផ្គង់ការការពាររបស់មនុស្សធំហើយដែលនឹងត្រូវស្នងមនុស្សធំវិញនៅពេលអនាគត ។ • កុមារត្រូវបានប្រៀបធៀបទៅនឹងត្រពាំង ដែលនឹងត្រូវស្នងឫស្សីព្រោះកុមារ នឹងត្រូវស្នងមនុស្សចាស់ស្រករមុន ...