General Knowledge

រដ្ឋប្រហារទម្លាក់សម្តេចនរោត្តម សីហនុនៅថ្ងៃ ១៨ មីនា ១៩៧០ ។

សម្តេចនរោត្តម សីហនុ បានដាក់រាជ្យថ្វាយព្រះបិតា នៅថ្ងៃ០៣ ខែមីនា ឆ្នាំ១៩៥៥ ។ មូលហេតុដោយសារ ៖ • រដ្ឋធម្មនុញ្ញឆ្នាំ ១៩៤៧ បានបញ្ញត្តិក្រឹត្យអំណាចនៃព្រះមហាក្សត្រ ( មិនអនុញ្ញាតឲ្យព្រះអង្គនៅជាស្តេចដឹកនាំរដ្ឋាភិបាល ) • បង្កើតអង្គការសង្គមរាស្រ្តនិយម ដើម្បីចូលរួមប្រកួតប្រជែងក្នុងការបោះឆ្នោតសកលនៅខែកញ្ញា ១៩៥៥ ដែលជាមធ្យោបាយតែមួយគត់ ក្នុងការដឹកនាំរដ្ឋាភិបាលដើមប្បីប្រជែងអំណាចជាមួយគណបក្សនយោបាយផ្សេងៗ • បម្រើប្រជារាស្រ្តដោយផ្ទាល់ដើម្បិកសាងប្រទេសជាតិ ឲ្យមានភាពរីកចម្រើនរុងរឿងថ្កុំថ្កើងឡើងវិញ…។

សម្តេចនរោត្ត សីហនុ បង្កើតអង្គការសង្គមរាស្រ្តនិយមនៅថ្ងៃ ២៣ មីនា ១៩៥៥ ដោយមូលហេតុៈ • ដើម្បីបង្រួបបង្រួមជាតិ ឲ្យមានឯកភាព • ដើម្បីឲ្យប្រទេសមានសន្តិភាព • ដើម្បីកសាងជាតិឲ្យមានការរីកចម្រើន • ដើម្បីឲ្យព្រះអង្គ មានអំណាចក្នុងការដឹកនាំប្រទេសជាតិ • ដើម្បីចូលរួមក្នុងការបោះឆ្នោតខែកញ្ញា ១៩៥៥ ។

កត្តាដែលធ្វើឲ្យអង្គការសង្គមរាស្រ្តនិយមទទួលបានការគាំទ្រ ច្រើនពីប្រជាពលរដ្ឋមានៈ • ប្រជាប្រិយភាពប្រធាន មានសម្តេចនរោត្តម សីហនុ បិតាឯករាជ្យជាតិ ជាព្រះប្រធានចលនា • ភាពរឹងមាំនៃរចនាសម្ព័ន្ធដឹកនាំអង្គការ « សង្គម » ថ្នាក់មូលដ្ឋានៈមានការគាំទ្រគ្រប់ទីកន្លែង • ក្បាលម៉ាស៊ីនដឹកនាំ ក្រៅពីសម្តេចនរោត្តមសីហនុ នៅមានឥស្សរៈឆ្នើមៗជាច្រើនរូបទៀត • វិស័យហិរញ្ញវត្តុ មានភាពរឹងមាំ ដោយសារតែការឧបត្ថម្ភគាំទ្រពីគ្រប់មជ្ឈដ្ឋាន ។

ក្នុងការបោះឆ្នោតខែកញ្ញា ១៩៥៥ អង្គការសង្គមរាស្រ្តនិយមទទួលបានការគាំទ្រជាង៨៣%ដែលអាចឲ្យអង្គការនេះបង្កើតរដ្ឋាភិបាលជាឯកតោភាគី ។

អង្គការសង្គមរាស្រ្តនិយមបានដឹកនាំរដ្ឋាភិបាល ចាប់ពីការបោះឆ្នោត ខែកញ្ញា១៩៥៥រហូតដល់ថ្ងៃ ១៨ មីនា ១៩៧០ ដែលជាថ្ងៃ ដែលលោកសេនាប្រមុខ លន់ នល់ ធ្វើជារដ្ឋប្រហារទម្លាក់ព្រះប្រមុខរដ្ឋនរោត្តម សីហនុ ពីអំណាច ។

នៅថ្ងៃទី២៦ កញ្ញា ១៩៥៥ អង្គការសង្គមរាស្រ្តនិយមបានរៀបចំសមាជដែលក្នុងនោះមានការចូលរួមពីសំណាក់មហាជនគ្រប់ស្រទាប់ រួមទាំងតំណាងគណបក្សផ្សេងៗទៀត ។ សមាជដើរតួជាវេទិការចំហសម្រាប់មហាជន និងអ្នកនាំចោទសូរ ដេញដោលគ្នាជុំវិញបញ្ហា នយោបាយក្នុងនិងក្រៅប្រទេស ។ ចាប់ពីពេលនោះមកគេហៅ « សមាជ » ថាជា « សមាជជាតិ » ។ សមាជជាតិត្រូវបានរៀបចំនិងដឹកនាំដោយគណៈកម្មាធិការកណ្តាលនៃអង្គការសង្គមរាស្រ្ត និយមដែលមានសម្តេច នរោត្តមសីហនុ ជាប្រធាន ។ ...

សមាជជាតិ គឺជាស្ថាប័ននយោបាយរដ្ឋ ដែលទាមទារឲ្យមានជំនួបប្រជាពលរដ្ឋជាមួយមន្រ្តីរដ្ឋាភិបាលដើម្បីពិភាក្សាអំពីប្រយោជន៍ជាតិរួម ។

បានជាសម្តេចនរោត្តម សីហនុ ប្រកាន់យកនយោបាយអព្យាក្រឹត្យព្រោះ៖ • សេចក្តីសម្រេចចិត្តនៃសន្និសិទក្រុងសឺណែវ ឆ្នាំ១៩៥៤ ដែលជាការទាមទាររបស់ចិននិងសហភាពសូវៀត ដើម្បីបញ្ចៀសមិនឲ្យសហរដ្ឋអាមេរិក កសាងមូលដ្ឋានទ័ពនៅកម្ពុជា • ប្រទេសកម្ពុជា ចង់រួមរស់ប្រកបដោយសន្តិសហវិជ្ជមានជាមួយបណ្តាលប្រទេសទាំងអស់នៅលើពិភពលោកក្នុងបរិបទសង្គ្រាមត្រជាក់ ។

ក្នុងការពង្រឹងនយោបាយអព្យាក្រឹត្យរបស់ខ្លួនប្រទេសកម្ពុជាបានធ្វើសកម្មភាពលើឆាកអន្តរជាតិដូចជាៈ • នៅថ្ងៃ ១៨មីនា១៩៥៥ ឥណ្ឌា កម្ពុជា បានចុះហត្ថលេខាទៅលើសេចក្តីប្រកាសរួមដែលនៅនឹងគ្នាដោយសុខសន្តិភាព • នៅខែមេសា ១៩៥៥ ក្នុងឱកាសសន្និសីទប្រទេស អាស៊ីនិងអាហ្រ្វិកនាទីក្រុងបានឌុង ( ឥណ្ឌូនេស៊ី ) សម្តេច នរោត្តម សីហនុ បានធ្វើសេចក្តីអះអាងអំពីកម្មវិធីនយោបាយអព្យាក្រឹត្យរបស់ប្រទេសកម្ពុជា • នៅពេលជាសមាជិកអង្គការសហប្រជាតិ នៅថ្ងៃ ១៤ ធ្នូ ១៩៥៥ តំណាងរដ្ឋាភិបាលកម្ពុជាបានធ្វើសេចក្តីប្រកាសអំពីការប្រឹងប្រែងរបស់ខ្លួន ក្នុងការដើរលើមាគ៌ានយោបាយអព្យាក្រឹត្យ ។