General Knowledge

ដើម្បីឲ្យអាពាហ៍ពិពាហ៍មានភាពយូរអង្វែកត្រូវបំពេញលក្ខខណ្ឌចាំបាច់៤យ៉ាងគឺ ៖ • លក្ខខណ្ឌសម្ភារៈ • លក្ខខណ្ឌវេទនា • លក្ខខណ្ឌសង្គម • លក្ខខណ្ឌសីលវិជ្ជា ។

ដែលហៅថា អាពាហ៍ពិពាហ៍គឺជា ការផ្សំផ្តុំយ៉ាងឧឡារិកជាផ្លូវការរវាងប្រុសម្នាក់ និងស្រ្តីម្នាក់ដើម្បីបង្កើតគ្រួសារថ្មីមួយទៀត ។ អាពាហ៍ពិពាហ៍ គឺជាពិធីមួយក្នុងចំណោមពិធីទាំងឡាយរបស់ច្បាប់សង្គមមនុស្ស ដើម្បីបញ្ជាក់ជាផ្លូវការពីចំណងស្នេហារវាងប្រុសម្នាក់និងស្រីម្នាក់ ។

នៅលើសកលលលោកយើងនេះរចនាសម្ព័ន្ធគ្រួសារនីមួយៗមិនដូចគ្នាទេ ។ គ្រួសារខ្លះជឿថាម្តាយអ្នកបង្កើតវង្សត្រកូល ។ ពួកគេបានគោរពម្តាយដូចជា អាទិទេពព្រមទាំងបានប្រគល់អំណោយត្រួតត្រាក្នុងគ្រួសារ ដោយម្តាយគ្រប់គ្រង់ ។ បន្ទាប់មក គេសាងរូបម្តាយរបស់គេជានិមិត្តរូបនៃព្រះអាទិទេពដែលគេហៅថា «តូតឹម« ។ ហើយគ្រួសារប្រភេទនេះគេហៅថា គ្រួសាររបបម្តាយ ។ គ្រួសារប្រភេទខ្លះជឿថាឪពុកជាអ្នកបង្កើតវង្សត្រកូល ។ គេបានសាងរូបឪពុកទុកជាតូតឹមព្រមទាំងទុកឪពុកជាធំនៅក្នុងគ្រួសារ ហើយគេហៅថា គ្រួសាររបបឪពុក ។ នៅក្នុងគ្រួសារដែលគេនិយមឪពុកជាធំ គេឃើញមានគ្រួសាររ៉ូមុំាគ្រួសារអាឡឺម៉ង ។ល។

ដែលហៅថាច្បាប់ គឺជានិយមជាកាតព្វកិច្ចចាំបាច់បំផុតរបស់មនុស្ស សម្រាប់ការការពារសិទ្ធិ និងសេរីភាពដែលធម្មជាតិបានសម្រិតសម្រាំងដើម្បីជីវិតរស់នៅនៃសត្វលោកទូទៅ ។

ដែលហៅថាច្បាប់ធម្មជាតិគឺជា ច្បាប់ដែលកើតមកដំណាលនិងវិចារណញាណរបស់មនុស្ស ។ ឬច្បាប់ធម្មជាតិ គឺជាកេតនភ័ណ្ឌដែល មនុស្សបានទទួលជាពិសេសពីធម្មជាតិ ។

ដែលហៅថាវីរបុរស គឺជាមនុស្សដែលមានចំណង់ទាញប្រកបដោយសន្ទុះ សភាវគតិមានរបៀបរស់នៅប្រកបដោយភាពក្លៀវក្លាហួសជនដទៃ មានឥរិយាបថធម្មជាតិជាអ្នកឈ្នះលើធម្មជាតិ មានឥរិយាបថឥន្ទ្រីយ៍ប្រកបដោយលំងប់ មានឥរិយាបថចំពោះអ្នកដទៃបុគ្គលមិននិយមហួសហេតុ ហើយជាមនុស្សប្រកបដោយចិត្តបុណ្យ ។

ដែលហៅថា មនុស្សថ្លៃគឺជា មនុស្សទាំងឡាយណាដេលមានគុណធម៌ ឬគុណណូបការៈសំខាន់ ឬខ្ពស់ជាងគេ ។ មនុស្សថ្លៃគេបានបែងចែកជា៣ផ្នែកធំៗគឺ ៖ • បណ្ឌិត • វីរបុរស • និងសន្តបុគ្គល ។

ដែលហៅថា បណ្ឌិតគឺជា មនុស្សចំណង់ះទាញប្រកបដោយបញ្ញានិយម មានរបៀបជីវិតប្រកបដោយលំនិង មានឥរិយាបថធម្មជាតិស្របនិងវិវត្តន៍របស់ធម្មជាតិ មានឥរិយាបថឥន្ទ្រីយភាពមិនរំភើបហួសហេតុមានបឥរិយាបថចំពោះអ្នកដទៃប្រកបដោយ បុគ្គលនិយមមិនគិតប្រយោជន៍ផ្ទាល់ខ្លួន ហើយប្រកាន់ឡើងថាគុណធម៌ជារង្វាន់ផ្ទាល់ខ្លួនរបស់បណ្ឌិត ។

ដែលហៅថាគុណធម៌ពិតគឺជា សីលតម្លៃរបស់បុគ្គល ដែលមានមនោសញ្ចេតនារស់ ។

គុណធម៌អប់រំរបស់ប្រាសាទបាយ័នមានដូចជា ៖ • អប់រមចិត្តឲ្យស្ថិតនឹងនរ មិនរំភើបញាប់ញ័រចំពោះហេតុការណ៍អាក្រក់ ល្អទាំងឡាយក្នុងជីវិតប្រចាំថ្ងៃ • អប់រំចិត្តឲ្យណៅជាកណ្តាលស្មើៗនាំទៅការជួបកាលលំបាកមិនទុទិដ្ឋិជួបការសប្បាយរីករាយមិនសុទិដ្ឋ • អប់រំចិត្តឲ្យចេះសន្តោសកាម ក្តីប្រាថ្នាតិចចំណង់ស្តើង • អប់រំចិត្តឲ្យចេះត្រកអររតាមមាន តាមបានមិនលោភលន់ហួសហេតុ និងចេះគ្រប់គ្រាន់ • អប់រំចិត្តប្រកបដោយព្រហ្មវិហារធម្ម ប្រាសចាកគតិទាំងបួនជាចិត្ត ដេលពោរពេញដោយមេត្តាធម៌ និងយុត្តិធម៌ ។