General Knowledge

ដើម្បីបង្ការជំងឺគ្រុនចាញ់ យើងត្រូវ ៖ • បំផ្លាញជម្រកមូស • ដេកក្នុងមុង ឬមុងអង្រឹងជ្រលក់ថ្នាំ ជារៀងរាល់យប់គ្រប់ពេលទាំងនៅ ក្នុងផ្ទះ និងព្រៃ • ស្លៀកពាក់ ខោអាវវែង និងពាក់ស្រោមដៃ ស្រោមជើងចាប់ពីព្រលប់ទល់ព្រលឹម • ពិនិត្យមុងឲ្យបានត្រឹមត្រូវ ដោយដាក់ជើងមុងក្រោមកន្ទេល ឬកម្រាល មុងនឹងដេក • ដុតធូបមូស ឬបាញ់ថ្នាំមូសនៅតាមទីងងឹត ដើម្បីបណ្តេញមូស ( ប្រសិនបើមាន) • លាបថ្នាំលើស្បែក បង្ការមូសខាំ (ប្រសិនបើមាន)

ជំងឺគ្រុនចាញ់កើតមានលើគ្រប់វ័យទាំងអស់។

មានតែការធ្វើការតេស្តឈាមតាមក្បួរវេជ្ជសាស្ត្រត្រឹមត្រូវតែមួយគត់ដែលអាច ឲ្យអ្នកដឹងថាខ្លួនអ្នកមានឬគ្មានផ្ទុកមេរោគអេដស៍។

ជំងឺអេដស៍មានផលប៉ះពាល់ដល់បុគ្គល គ្រួសារ និងសង្គមដូចតទៅ ៖ • ចំពោះបុគ្គល : សុខភាពចុះខ្សោយ អសមត្ថភាពការងារចំណាយថវិកា ច្រើនលើការព្យាបាល មានវិប្បដិសារីក្នុងជីវិតនិងបាត់បង់ជីវិត ។ • ចំពោះគ្រួសារ : ប្តី ប្រពន្ធ និងកូនអាចឆ្លងមេរោគអេដស៍ បាត់បង់កម្លាំង ពលកម្ម ជីវភាពគ្រួសារធ្លាក់ចុះ មានបន្ទុកថែទាំអ្នកជំងឺក្នុងគ្រួសារ មានទំនាស់ ក្នុងគ្រួសារ ប្រពន្ធ ឬប្តី ក្លាយជាមេម៉ាយ ...

យុទ្ធវិធីរបស់ក្រសួងសុខាភិបាលដើម្បីទប់ទល់និងបញ្ហាកង្វះសារជាតិចិញ្ចឹមដល់កុមារ មានដូចជា ខិតខំប្រឹងប្រែងអប់រំមាតាបិតា ឬអាណាព្យាបាល ឲ្យចេះថែទាំកុមារឲ្យបានត្រឹមត្រូវ ទាំងការបំបៅដោះកូន និងការបង្កើនគុណ ភាពចំណីអាហារដែលសំបូរជីវជាតិអាដូចជា បន្លែសឹ្លកបៃតង បន្លែផ្លែឈើ ពណ៍លឿង សាច់ ស៊ុត ថ្លើមជាដើម ។

បានជាប្រទេសកំពុងអភិវឌ្ឍន៍មានបញ្ហាការបរិភោគមិនគ្រប់គ្រាន់ព្រោះ ប្រទេសនោះមានកំណើនប្រជាជនខ្ពស់និងផលិតកម្មមានកំណើនយឺតការរីកចម្រើននៃសេដ្ឋកិច្ចនៅមានកម្រិតតម្រូវការក្នុងការប្រើប្រាស់មានការកើនឡើង។ ជីវភាពប្រជាជនកាន់តែក្រីក្រនិងមានកូនច្រើន ។

បានជាគេចាត់ទុកជំងឺគ្រុនចាញ់ជាជំងឺឆ្លងព្រោះ ដោយសារជំងឺនេះវាឆ្លងពីមនុស្សម្នាក់ទៅមនុស្សម្នាក់ទៀតតាមរយៈមូលដែកគោលញីខាំ ។

ខេត្តដែលប្រឈមមុខនឹងឆ្លងជំងឺគ្រុនចាញ់ច្រើនជាងគេគឺរតនៈគិរី មណ្ឌលគិរី ឧត្តរមានជ័យ ព្រះវិហារ ក្រចេះ បាត់ដំបូង ប៉ៃលិន កោះកុង ពោធិ៍សាត់ ។ ដោយសារតែខេត្តទាំងនោះជាតំបន់ភ្នំ សំបូរព្រៃឈើ ក្រាស់ស្តុក និងការយល់ដឹងពីការឆ្លងជំងឺគ្រុនចាញ់របស់ប្រជាជននៅមានកម្រិត ។

បានជាមានការបំលាស់ប្តូរទីលំនៅជាបាតុភូតសកលព្រោះកើតមាននៅគ្រប់ប្រទេសទាំងអស់ក្នុងពិភពលោក មិនថាប្រទេសអភិវឌ្ឍ ឬប្រទេសកំពុងអភិវឌ្ឍឡើយ ។

មានព្រឹត្តិការណ៍កើតឡើងនៅពេលខ្មែរក្រហមឡើងកាន់អំណាចនៅឆ្នាំ ១៩៧៥- ១៩៧៩ដូចជា៖ • ការជម្លៀសប្រជាជនទីក្រុងភ្នំពេញ ដោយបង្ខំឲ្យទៅរស់នៅតាមជនបទ • ការរត់គេចរបស់ប្រជាជនពីប្រទេសទៅសុំជ្រកកោកនៅតាមប្រទេសជិតខាង • ការបង្ខិតបង្ខំឲ្យធ្វើការជាទម្ងន់ការធ្វើទារុណកម្មយ៉ាងព្រៃផ្សៃនិងការកាប់សម្លាប់យ៉ាងរង្គាល ។