General Knowledge

មូលហេតុចម្បងដែលបណ្តាលឱ្យសហភាពសូវៀតដួលរលំគឺ ៖ • ជាប្រទេសទី១ក្នុងពិភពលោកដែលកសាងប្រទេសសង្គមនិយម • ប្រទេសផ្សេងៗលែងចង់ដើរតាមសហភាពសូវៀតទៀត • មានបញ្ហាសេដ្ឋកិច្ចដ៏ធ្ងន់ធ្ងរ មិនអាចប្រណាំងប្រជែងជាមួយអាមេរិចបាន • ការហ៊ុំព័ទ្ធដោយសេដ្ឋកិច្ចទីផ្សារសេរី • កំណែទម្រង់ពេរ៉េស្រ្តយេកា។

ព្រះបាទអង្គឌួងផ្តើមទំនាក់ទំនងជាមួយបារាំងនៅឆ្នាំ ១៨៥៣ ដោយពឹងបព្វជិតកាតូលិកបារាំងមួយអង្គនាម មីស ឲ្យជួយទាក់ទងប្រទេសបារាំងដើម្បីសុំការ ការពារ ពីប្រទេសមហាអំណាចមួយនេះ ។ បព្វជិតអង្គនេះ ធានាថាលោកជាមួយមន្រ្តីខ្មែរពីរនាក់ទៀតឈ្មោះ កុលដីមុងតេរ៉ូនិងប៉ែន នឹងនាំសារព្រមទាំងសួយសាអាករផងដើម្បីថ្វាយព្រះចៅ ណាប៉ូលេអុងទី៣ តាមរយៈកុងស៊ុងបារាំងប្រចាំនៅក្រុងសិង្ហបុរីលុះដល់ឆ្នាំ ១៨៥៥ ទើបបានចម្លើយពីព្រះចៅអធិរាជបារាំងដែលផ្តល់ការទទួលស្គាល់ប្រទេសកម្ពុជាជាត្រឹមតែជាដៃគូពាណិជ្ជកម្មប៉ុណ្ណោះ ។

លោកម៉ាកូសជាប់ឆ្នោតជាប្រធានាធិបតីនៃប្រទេសភីលីពីនលើកទី១ នៅឆ្នាំ ១៩៦៥ ។

អ្នកប្រាជ្ញខ្មែរដែលបានរៀបចំវចនានុក្រមខ្មែរគឺសម្ដេចសង្ឈ ជួន ណាត។

ក្នុងការពង្រឹងនយោបាយអព្យាក្រឹត្យរបស់ខ្លួនប្រទេសកម្ពុជាបានធ្វើសកម្មភាពលើឆាកអន្តរជាតិដូចជាៈ • នៅថ្ងៃ ១៨មីនា១៩៥៥ ឥណ្ឌា កម្ពុជា បានចុះហត្ថលេខាទៅលើសេចក្តីប្រកាសរួមដែលនៅនឹងគ្នាដោយសុខសន្តិភាព • នៅខែមេសា ១៩៥៥ ក្នុងឱកាសសន្និសីទប្រទេស អាស៊ីនិងអាហ្រ្វិកនាទីក្រុងបានឌុង ( ឥណ្ឌូនេស៊ី ) សម្តេច នរោត្តម សីហនុ បានធ្វើសេចក្តីអះអាងអំពីកម្មវិធីនយោបាយអព្យាក្រឹត្យរបស់ប្រទេសកម្ពុជា • នៅពេលជាសមាជិកអង្គការសហប្រជាតិ នៅថ្ងៃ ១៤ ធ្នូ ១៩៥៥ តំណាងរដ្ឋាភិបាលកម្ពុជាបានធ្វើសេចក្តីប្រកាសអំពីការប្រឹងប្រែងរបស់ខ្លួន ក្នុងការដើរលើមាគ៌ានយោបាយអព្យាក្រឹត្យ ។

អាល្លឺម៉ង់បានប្រកាសចុះចាញ់សង្រ្គាមនៅថ្ងៃទី ០៨ ខែ ឧសភា ឆ្នាំ ១៩៤៥ ។

អភិវឌ្ឍលើវិស័យ ៖ • ឩស្សាហកម្មធនុស្រាល និងធុនធ្ងន់ • ពាណិជ្ជកម្ម ( ដណ្តើមទីផ្សារអន្តរជាតិបានច្រើន ) ។

រៀបរាប់ពីការបង្កើតសាធារណរដ្ឋអ៊ីតាលីនៅឆ្នាំ ១៩៤៦ ៖ • ឆ្នាំ១៩៤៦ អ៊ីតាលីបង្កើតរបបសាធារណរដ្ឋដោយការបោះឆ្នោត • បង្កើតរដ្ឋធម្មនុញ្ញថ្មី ដែលតម្រូវឲ្យមានប្រធានាធិបតី ព្រមទាំងមានព្រឹទ្ធសភា និងតំណាងរាស្រ្ត • រដ្ឋធម្មនុញ្ញចូលជាធរមាន ០១ មករា ១៩៤៨ ។

បានជាប្រទេសយូងងហ្គោស្លាវីប្រទះវិបត្តិសេដ្ឋកិច្ចយ៉ាងធ្ងន់ធ្ងរគឺ ដោយសារ ៖ • កំហុសរដ្ឋាភិបាលលោកទីតូដែលគ្រោងនិងធ្វើឪ្យយូហ្គោស្លាវីក្លាយទៅជាប្រទេសមួយរីកចម្រើនខាងសេដ្ឋកិច្ចនៅលើឧបទ្វីបបាល់កងដូចជាប្រទេសនានានៅអឺរ៉ុបខាងលិចដែរ • យូហ្គោស្លាវីចាំបាច់ខ្ចីប្រាក់ចំនូនច្រើនលើសលុប ដើម្បីកសាងសេដ្ឋកិច្ចគ្រប់វិស័យដោយពឹងផ្អែកលើការនាំចេញ • នៅទស្សវត្សរ៍ឆ្នាំ ៧០ អឺរ៉ុបខាងលិចជួបសេដ្ឋកិច្ចយ៉ាងធ្ងន់ធ្ងរ ជាពិសេសវិបត្តិថាមពលចោទជាបញ្ហាដល់ផលិតផលនាំចេញ និងធ្វើឪ្យរាំងស្ទះដង្ហើមសេដ្ឋកិច្ចយូហ្គោស្លាវី ហើយជាលទ្ធផល មនុស្សរាប់លាននាក់ត្រូវបាត់បង់ការងារនិងបាត់បងប្រាក់កំវៃប្រចាំថ្ងៃ ។

ជាប្រភពមូលដ្ឋានដែលនាំឲ្យឡើងនៅបញ្ហារួមនៅលើសកលលោករួមមាន ៖ • កំណើននិងទំហំសេដ្ឋកិច្ចសកលលោកមិនស៊ីចង្វាក់ទៅនឹងលទ្ធភាពពិតប្រាកដដែលផ្ដល់ពីធនធាននៅលើដី ។ • ការរីកចម្រើននៃបដិវត្តនៃវិទ្យាសាស្រ្ដបច្ចេកទេស • កំណើនប្រជាជនទាមទារឲ្យមានការផ្គត់ផ្គង់នូវគ្រឿងឧបភោគកាន់តែច្រើនដោយប្រើប្រាស់ធម្មជាតិ ដែលចេះតែរេចរឹលទៅៗ ។ • ការចំណាយធនធានយ៉ាងច្រើនសន្ធឹកសន្ធាប់ទៅលើសព្វាវុធនិងកងទ័ព ។ • ភាពយឺតយ៉ាវរបស់ស្ថាប័នអំណាចជាតិក្នុងការឆ្លើយតបនិងស្វែងរកវិធីដោះស្រាយ • បញ្ហាឲ្យបានពេលវេលា ។