General Knowledge

ជំនួយរបស់សហរដ្ឋអាមេរិកភាគច្រើនគឺជួយលើវិស័យយោធា ហើយមួយផ្នែកទៀតបានធ្លាក់ទៅក្នុងមន្ដ្រីអ្នកមានអំណាច ។

ពាក្យថាអាណាព្យាបាល និងអាណានិគមមានន័យដូចតទៅ ៖ • អាណាព្យាបាល គឺជាប្រព័ន្ធគ្រប់គ្រងមួយដែលប្រទេសជាម្ចាស់ស្រុកមានស័្វយភាពក្នុងគ្រប់គ្រងប្រព័ន្ធរដ្ឋបាលររបស់ខ្លួន ។ ចំណែកឯប្រទេសអាណាព្យាបាលវិញគឺំមានតួនាទីត្រឹមត្រូវជាទីប្រឹក្សាប៉ុណ្ណោះ ។ • អាណានិគម គឺជាប្រព័ន្ធគ្រប់គ្រងមួយដែលប្រទេសជាម្ចាស់ស្រុកពុំមានសិទ្ធិស្វ័យគ្រប់គ្រងលើប្រព័ន្ធរដ្ខបាលរបស់ខ្លូនទេ ។ ប្រព័ន្ធរដ្ឋបាលនេះត្រូវបានគ្រប់គ្រង់ដោយប្រទេសអាណានិគមនិយម ។

ក្រោយសន្ធិសញ្ញាក្រុងហ្សឺណែវព្រះបាទនរោត្តម សីហនុព្រះអង្គមានព្រះអង្គមានព្រះរាជតម្រិះថាប្រសិនបើបញ្ហាផ្ទៃក្នុងនៅតែប្រេះស្រាំគ្មានឯកភាពជាតិនោះយើងនិងមិនអាចកសាងជាតិដែលទើបតែងើបពីនឹមត្រួតត្រានេះបាននេះ ។ ព្រះរាជតម្រិះនេះមានគោលបំណងចង់ឪ្យគណបក្សនយោបាយ និងមហាជនទាំងអស់រួមរស់ជុំវិញព្រះមហាក្សត្រ ។

ព្រះនរោត្តម សីហនុ ទ្រង់បានដាក់រាជ្យសម្បត្តិ នៅថ្ងៃទី ០២ ខែមីនា ឆ្នាំ ១៩៥៥ ។ ព្រះអង្គថ្វាយរាជសម្បត្តិនេះទៅព្រះបាទនរោត្តម សុរាម្រឹតជាព្រះបិតាវិញ ។

អង្គការសង្គមរាស្រ្ដនិយមបានបង្កើតឡើងនៅថ្ងៃ ទី ២២ ខែមីនា ឆ្នាំ ១៨៥៥ ដោយព្រះបាទនរោត្តម សីហនុ ។ អង្គការសង្គមរាស្រ្ដនិយមបានបង្កើតឡើងដើម្បីចូលរួមការប្រកួតប្រជែងការបោះឆ្នោត ជាសកលនៅខែកញ្ញា ឆ្នាំ១៨៥៥ ។

បានជាព្រះបាទនរោត្តមសីហនុមានប្រជាប្រិយភាពខ្លាំងជាមួយប្រជាពលរដ្ឋពីព្រោះប្រជាពលរដ្ឋ្ខខ្មែរបានទទួលស្គាល់ព្រះអង្កថាជា ព្រះបិតាឯករាជ្យជាតិនិងសន្ដិភាពជាតិទោះបីជាព្រះអង្គចុះចេញពីរាជបល្ល័ក៏ដោយក៏ដោយក៏ប្រជាពលរដ្ឋនៅតែគោរព និងមានជំនឿលើព្រះអង្គដដែល ។

អង្គការនយោបាយសង្គមរាស្រ្ដនិយម គឺជាប្រភេទអង្គការមហាជនហើយដើម្បីឪ្យអង្គការនេះរឹងមាំគឺត្រូវតែមានការគាំទ្រពីមហាជនថ្នាក់មូលដ្ឋានជាចាំបាច់រួមនឹងកម្លាំងចលករមួយចំនួនទៀត ។

អង្គការនយោបាយសង្គមរាស្រ្ដនិយមត្រូវបានទទួលការគាំទ្រផ្នែកហរិញ្ញវត្ថុពីគ្រប់មជ្ឈដ្ឋានតាមរយៈការបរិច្ចាកពីសំណាក់សមាជិកនិងអ្នកមានទ្រព្យសម្បតិ្តក្នុងស្រុក ។

អង្គការនយោបាយសង្គមរាស្រ្ដនិយមបានគ្រប់គ្រងអំណាចពីឆ្នាំ ១៩៥៥ ដល់ ១៩៧០ ។

ក្រោយពីបង្កើតឡើងនូវអង្គការនយោបាយ សង្គមរាស្រ្ដនិយម គេបានរៀបចំសមាជជាតិឡើង ដើម្បីរៀបចំអនុម័តផែនការយុទ្ធសាស្រ្ដនយោបាយ ។