ផ្កាជាសរីរាង្គបន្តពូជពិសេសរបស់រុក្ខជាតិ។ ផ្កានីមួយៗមាន៤ផ្នែកដែលតម្រៀបលើវង់៤ផ្សេងគ្នាលើទង១មានប្រវែងខ្លី ឬវែង។

ស្លឹករួមគឺតួស្លឹកមានបន្ទះច្រើនដែលមានរាងដូចស្លឹកតូចៗហៅថាកូនស្លឹកស្លឹករួមមានដូចជា៖
• ស្លឹកស្និត : ជាស្លឹកដែលកូនស្លឹកស្ថិតនៅសងខាង ទ្រនុងកណ្ដាល។គេហៅថាស្លឹកស្និតគូ កាលណាកូនស្លឹកមានចំនួនគូ។
ឧទាហរណ៍ ស្លឹកក្ងោក។
ស្លឹកស្និតសេស កាលណាកូនស្លឹកមួយស្ថិតនៅ ចុងទ្រនុងកណ្ដាល។
ឧទាហរណ៍ ស្លឹកកុលាប។
• ស្លឹកកង្ហារ : ជាស្លឹកដែលកូនស្លឹកភ្ជាប់នឹងចុងទងស្លឹក នៅកន្លែងតែមួយ។
ឧទាហរណ៍ ស្លឹក គ។

ទ្រនុងស្លឹកម៉ូណូកូទីលេដូនខុសពីទ្រនុងស្លឹកឌីកូទីលេដូនត្រង់៖
-ទ្រនុងស្លឹកម៉ូណូកូទីលេដូនជាទ្រនុងស្របមិនមានបែកខ្នែងទេ។
-ទ្រនុងស្លឹកឌីកូទីលេដូនជាទ្រនុងស្លឺកបែកខ្នែងមាន គល់ស្លឹក ខ្នាយស្ទប តួស្លឹក ទ្រនុងតូចនិងទ្រនុងកណ្តាលធំ។

ដើមមានមុខងារ ទ្រទ្រង់មែក ស្លឹក និងផ្ការបស់រុក្ខ-ជាតិទាំងមូល។ វាដឹកនាំទឹកនិងអំបិលខនិជរលាយទៅស្លឹក និងដឹកនាំអាហារដែលផលិតចេញពីស្លឹកទៅសរីរាង្គផ្សេងៗ។