ជំងឺទល់លាមកបណ្ដាលមកពី កង្វះជាតិ
សែលុយឡូសក្នុងរបបអាហារ ។ ការបរិភោគអាហារមិនទៀងទាត់ ការផឹកទឹកតិចពេក កង្វះលំហាត់ប្រាណ ឬការប្រើថ្នាំបញ្ចុះជានិច្ចកាល។

ជំងឺរលាកថ្លើមបង្កឡើងដោយ វីរុស។
– ជំងឺរលាកថ្លើមដែលគេច្រើនជួបប្រទះ មាន៣ប្រភេទគឺ
• រលាកថ្លើមប្រភេទ A ឆ្លងច្រើនជាងគេ។ វាឆ្លងតាមរយៈអាហារដែលលាងមិនបានស្អាតល្អ តាមការប៉ះពាល់ផ្ទាល់ជាមួយអ្នកជំងឺ ឬប្រើទឹកដែលមានមេរោគរលាកថ្លើម ។ ក្រោយពេលបង្ករោគលើស៤៥ថ្ងៃទៅ វាចេញរោគសញ្ញាដូចជា ឈឺក្បាល គ្រុនក្ដៅ បាត់បង់រសជាតិ ហើយស្បែកនិងប្រស្រីភ្នែកឡើងពណ៌លឿង ។ អ្នកជំងឺជៀសវាងបរិភោគអាហារមានជាតិខ្លាញ់ច្រើន និងសម្រាកឱ្យបានច្រើន។
• រលាកថ្លើមប្រភេទ B និង C ឆ្លងតាមរយៈឈាម ដោយការបញ្ចូលឈាមដែលមានមេរោគថ្លើមប្រភេទ B ឬC តាមការប្រើម្ជុលចាក់ថ្នាំមិនស្អាត ឬប្រើឧបករណ៍វះកាត់ ឬដកធ្មេញមិនបានរំងាប់មេរោគ។ ជំងឺនេះឆ្លងតាមការរួមភេទផងដែរ។

ដើម្បីថែរក្សាប្រដាប់រំលាយអាហារឱ្យបានល្អ យើងត្រូវអនុវត្តដូចខាងក្រោម៖
• បរិភោគអាហារច្រើនប្រភេទនិងមានរសជាតិឆ្ងាញ់ ហើយរបបអាហារនោះត្រូវមានខ្លាញ់តិចនិងសែលុយឡូសច្រើន ។ បរិភោគអាហារឱ្យទៀងទាត់ ។
• បរិភោគតាមសម្រួលកុំប្រញាប់ ហើយប្រកប
ដោយអារម្មណ៍ល្អ។
• បរិភោគឱ្យល្មម គឺមិនត្រូវបរិភោគតាមការស្រេក
ឃ្លាន។
• ពិសាភេសជ្ជៈតិចតួចក្នុងពេលបាយ ព្រោះភេស-ជ្ជៈនឹងធ្វើឱ្យរសរំលាយអាហាររាវនិងបន្ថយសកម្មភាពរបស់វា។
• សម្រាកបន្តិចក្រោយពេលបរិភោគបាយរួច។
• បន្ទោបង់លាមករាល់ថ្ងៃឱ្យទៀងពេល ព្រោះការទល់លាមកបណ្ដាលឱ្យមានការពុលទូទៅតែត្រូវចៀសវាងកុំប្រើថ្នាំបញ្ចុះច្រើនពេក។

ធ្មេញខូចបណ្តាលមកពីក្តាំងជើងធ្មេញ បម្រែបម្រួលសីតុណ្ហភាពរហ័សពេកនៃអាហារដែលបរិភោគ បាក់តេរីក្នុងមាត់បំប្លែងជាតិស្ករក្នុងកម្ទេចកម្ទីអាហារឲ្យឱ្យទៅជាអាស៊ីតដែលស៊ីកាចាធ្មេញ។