ក្នុងដំណើរដង្ហើមរុក្ខជាតិបានគ្លុយកូសបានមកពីដំណើររស្មីសំយោគហើយគ្លុយកូសស្តុកទុកក្នុងឫស មើម ទម្រង់ជាអាមីដុង។

កត្តានីមួយៗដែលជះឥទ្ធិពលលើល្បឿននៃដំណើររស្មីសំយោគ៖
• ពន្លឺមានសារៈសំខាន់ចំពោះដំណើររស្មីសំយោ-គ។ ប៉ុន្តែតម្រូវការពន្លឺព្រះអាទិត្យរបស់រុក្ខជាតិមិនដូចគ្នាទេ។ រុក្ខជាតិមួយចំនួនអាចដុះលូតលាស់បានល្អតែនៅក្នុងមជ្ឈដ្ឋានដែលមានពន្លឺព្រះអាទិត្យខ្លាំង បើខ្វះពន្លឺព្រះអាទិត្យ រុក្ខជាតិទាំងនេះនឹងក្លាយទៅជាពណ៌លឿង ហើយអាចនឹងងាប់បានដូចជា ពោត ស្រូវ ដំឡូង…។ រុក្ខជាតិមួយចំនួនទៀតអាចដុះលូតលាស់ក្នុងម្លប់ដូចជា ម្លូ ជីភ្លូ អ័រគី-ដេ…ដែលជារុក្ខជាតិត្រូវការពន្លឺព្រះអាទិត្យតិចតួច ។
• ទឹក មានបរិមាណច្រើនជាងគេបំផុតនៅក្នុងរុក្ខជាតិ។ ទឹកជារូបធាតុចាំបាច់ចំពោះរុក្ខជាតិក្នុងដំណើររស្មីសំយោគ។ ទឹកក៏ជាមធ្យោបាយនៃដំណឹកនាំរូបធាតុទាំងអស់នៅក្នុងរុក្ខជាតិនិងចូលរួមតម្រូវសីតុណ្ហភាពដល់រុក្ខជាតិ។ ដំណើររស្មីសំយោគអាចឈប់ធ្វើសកម្មភាពនៅពេលមានកង្វះទឹកឬទឹកច្រើនហួស។
• ឧស្ម័ន CO2 : រុក្ខជាតិអាចធ្វើរស្មីសំយោគក្នុងកម្រិតធម្មតារបស់ឧស្ម័នCO2គឺ០,០៣%នៃឧស្ម័នក្នុងបរិយាកាស។ បរិមានឧស្ម័នCO2 កើនផលិតផលនៃរស្មីសំយោគក៏កើនឡើងដែរ ប៉ុន្តែបើឧស្ម័នCO2កើនដល់កម្រិត០,២០%នៃឧស្ម័នក្នុងបរិយាកាសរុក្ខជាតិនឹងអាចងាប់
បាន។
• សីតុណ្ហភាព : តាមធម្មតាដំណើររស្មីសំយោគអាចប្រព្រឹត្តទៅបានក្នុងសីតុណ្ហភាពមួយសមស្រប(ចាប់ពី២០o C ទៅ៣០ o C)។ នៅសីតុណ្ហភាពទាបខ្លាំង ឬខ្ពស់ខ្លាំង(ក្រោម ០o C ឬលើសពី៣៥ o C )ដំណើររស្មីសំយោគថយចុះឬអាចឈប់បាន ព្រោះក្លរ៉ូប្លាសត្រូវបំផ្លាញ។
• សារធាតុខនិជ : នៅពេលកង្វះសារធាតុខនិជបានជះឥទ្ធិពលទៅលើដំណើររស្មីសំយោគនិងលំនាំមេតាបូលីសផ្សេងៗទៀតរបស់រុក្ខជាតិ។

ការពិសោធន៍ស្ដីអំពីការភាយឧស្ម័នO2 រុក្ខជាតិបៃតង (រូបទី២.៣)៖
• យកចកកន្ទុយឆ្កែ(ឬរុក្ខជាតិទឹកផ្សេងទៀត)ដាក់ក្នុងផើងកែវ(ក)និងផើងកែវ(ខ)ដែលមានដាក់ទឹកធម្មតា។ យកបំពង់កែវក្រិតពេញដោយទឹកគ្របពីលើចកកន្ទុយឆ្កែទាំង២ផើង ប៉ុន្តែធ្វើយ៉ាងណាកុំឱ្យឧស្ម័នបរិយាកាសចូលបាន ដើម្បីងាយស្រួលដល់ការប្រមូលឧស្ម័នដែលភាយចេញពីចកកន្ទុយឆ្កែ។
• យកផើងកែវ(ក)ដាក់ក្នុងទីងងឹតឬ រុំវាឱ្យជិតជាមួយស្បោងក្រដាស់ខ្មៅ។
• យកផើងកែវ(ខ)ដាក់នៅក្រោមពន្លឺព្រះអាទិ-ត្យ។
• ៦ម៉ោងក្រោយមក គេឃើញមានពពុះជាច្រើនភាយចេញពីចកកន្ទុយឆ្កែនៅក្នុងផើងកែវ(ខ)រួចអណ្ដែតឡើងនៅពាសពេញបាតបំពង់កែវក្រិត។ចំណែកចកកន្ទុយឆ្កែនៅផើងកែវ(ក)មិនមានពពុះជាច្រើនភាយចេញទេ។
• ឧស្ម័នដែលភាយចេញពីចកកន្ទុយឆ្កែនៅក្នុងផើងកែវ(ខ)ធ្វើឱ្យឈើគូសដែលកំពុងឆេះជារងើកភ្លើងតូចឆេះជាអណ្ដាតច្រាលឡើងវិញ។ នេះបញ្ជាក់ឱ្យដឹងថា ក្នុងកែវក្រិតមានវត្តមានឧស្ម័ន O2(រូប គ)។
• សន្និដ្ឋាន ពន្លឺព្រះអាទិត្យធ្វើឱ្យរុក្ខជាតិបៃតងធ្វើរស្មីសំយោគ ហើយភាយឧស្ម័ន O2។

ពិសោធន៍ទី២
យករុក្ខជាតិមួយដែលបណ្ដុះក្នុងផើងទៅដាក់ក្នុងទីងងឹត ឬរុំឱ្យជិតជាមួយស្បោងប្លាស្ទិចពណ៌ខ្មៅក្នុងរយៈពេលប្រហែល៣ថ្ងៃដោយមិនឱ្យត្រូវពន្លឺ។
បន្ទាប់មកយកកន្ត្រៃកាត់ស្លឹកឈើចេញពីដើម រួចយកស្លឹកទៅដាក់ក្នុងទឹកអ៊ីយ៉ូត។ ស្លឹកមិនប្រែទៅជាពណ៌ស្វាយទេ នេះបញ្ជាក់ឱ្យដឹងថាគ្មានវត្តមានអាមីដុងក្នុងស្លឹកទេ។ ដូចនេះស្លឹកត្រូវការពន្លឺព្រះអាទិត្យដើម្បី
ផលិតអាហារ។