ដំណឹកនាំជាដំណើរមួយដែលកើតឡើងដោយបំលាស់ទីនៃសារធាតុជាច្រើនចូលទៅក្នុង ឬចេញក្រៅកោសិកា ឬចែកចាយក្នុងកោសិកា។(ការបំលាស់ទីនៃសារធាតុ ហៅថាដំណឹកនាំ)។

ប្លាស្មូលីសជាចលនាទឹកចេញពីកោសិកាតាមអូស្មូស។ ឧទាហរណ៍ យកការ៉ុតកាត់ជាកង់ៗរួចដាក់ចូលក្នុងចានដែលមានសូ-លុយស្យុងកំហាប់អំបិលខ្ពស់ មួយរយៈក្រោយមកគេសង្កេតឃើញដុំការ៉ុតស្វិតនេះបណ្តាលមកពីទឹកចេញពីកោសិកាការ៉ុត។

ពន្យល់ពីដំណើរអូស្មូសដោយប្រើបំពង់ទឹកស្ករ៖ បំពង់ទឹកស្ករអាចប្រើជាភ្នាសអឌ្ឍជ្រាបបាន។ យកបំពង់ទឹកស្ករមានផ្ទុកសូលុយស្យុងស្ករខាប់ទៅត្រាំក្នុងទឹក(ដូចក្នុងរូប)។ប្រហែល៣០នាទីក្រោយមកយើងឃើញនីវ៉ូសូលុយស្យុងស្ករក្នុងកូនបំពង់កើនឡើង។យើងដឹងហើយថាម៉ូលេគុលស្ករមិនអាចសាយចេញពីបំពង់បានទេព្រោះបំពង់ទឹកស្ករមានរន្ធតូចៗដែលអាចឱ្យតែម៉ូលេគុលទឹកឆ្លងកាត់តែប៉ុណ្ណោះ។ដូចនេះម៉ូលេគុលទឹកក៏សាយពីកែវចូលទៅក្នុងបំពង់ទឹកស្ករដែលធ្វើឱ្យនីវ៉ូសូលុយស្យុងស្ករកើនឡើង។បាតុភូតនេះជាដំណើរអូស្មូស។