ពួកគាត់ត្រូវ៖
– អប់រំកូនចៅប្រុសស្រី ឱ្យចេះដឹងគុណអ្នកដែលធ្វើល្អមកលើខ្លួន
– ណែនាំកូនឱ្យប្រព្រឹត្តអំពើល្អ ស្មោះត្រង់ និងយុត្តិធម៌
– ស្រឡាញ់កូនៗស្មើៗគ្នា
– ធ្វើជាគម្រូល្អដល់កូនៗ

ផ្តល់ប្រយោជន៍ ព្រោះវត្តអារាមបានរួមចំណែកជួយដល់មនុស្សក៏ដូចជាសង្គមខ្មែរយ៉ាងច្រើនដូចជា៖
– ជួយដឹកនាំមនុស្សឱ្យកសាងជីវភាពរស់នៅដោយ សុខដុមរមនា តាមរយៈធម៌ព្រះពុទ្ធ
– បង្កើតឱ្យមានការជួបជុំគ្នាប្រកបដោយមិត្តភាព សាមគ្គីភាព សោមនស្សរីករាយ និងសេចក្តីសង្ឃឹម ក្នុងជីវិតរស់នៅ
– សាបព្រោះវប្បធម៌ ចរិយាធម៌ដល់កូនខ្មែរគ្រប់រូបឱ្យ ប្រកាន់ខ្ជាប់ជានិច្ចនូវសីលធម៌
– ជួយបន្ធូរភាពតានតឹងផ្នែកអារម្មណ៍
– ជាកន្លែងរម្ងាប់កិលេសតណ្ហា សង្រួមវាចាចិត្ត បោះ បង់អំពើហិង្សា និងការរើសអើង
– ជួយគាំទ្រលើគ្រប់វិស័យ។

ក. ចុងម្រាមកណ្តាលត្រឹមដើមទ្រូង
ផ្គុំបាតដៃជាសណ្ឋានផ្កាឈូកក្រពុំ ដាក់ចុងម្រាមកណ្តាលត្រឹមដើមទ្រូង។ ការសំពះនេះអនុវត្តចំពោះ អ្នកដែលមានឋានៈប្រហាក់ប្រហែលគ្នា ឬមិត្តភក្តិ និងត្រូវសំពះតបវិញចំពោះអ្នកដែលមានវ័យក្មេង ជាង។
ខ. ចុងម្រាមកណ្តាលត្រឹមមាត់
ផ្គុំបាតដៃជាសណ្ឋានផ្កាឈូកក្រពុំ ដាក់ចុងម្រាមកណ្តាលត្រឹមមាត់ ជាការសំពះអ្នកមានវ័យចំណាស់ជាង ឋានៈធំជាង ថៅកែឬចៅហ្វាយនាយ។
គ. ចុងម្រាមកណ្តាលត្រឹមចុងច្រមុះ
ផ្គុំបាតដៃជាសណ្ឋានផ្កាឈូកក្រពុំ ដាក់ចុងម្រាមកណ្តាលត្រឹមចុងច្រមុះ ក្បាលរាងឱនបន្តិច សំពះឪពុកម្តាយ ជីដូនជីតា អាណាព្យាបាល គ្រូបាអាចារ្យ ឬអ្នកមានគុណ។
ឃ. ចុងម្រាមកណ្តាលត្រឹមគល់ចិញ្ចើម
ផ្គុំបាតដៃជាសណ្ឋានផ្កាឈូកក្រពុំ ដាក់ចុងម្រាមកណ្តាលត្រឹមគល់ចិញ្ចើម ក្បាលឱនខ្លាំងសំពះទៅរក ព្រះសង្ឃ ព្រះមហាក្សត្រ នេះជាការក្រាបបង្គំគាល់ ឬថ្វាយបង្គំ។
ង. ចុងម្រាមមេដៃផ្គុំលើចិញ្ចើម
ផ្គុំបាតដៃជាសណ្ឋានផ្កាឈូកក្រពុំ ដាក់ចុងម្រាមមេដៃលើចិញ្ចើម ជាការសំពះ ព្រះពុទ្ធ ព្រះឥន្ទ្រព្រហ្ម ទេវតា អ្នកតា គឺសំពះអ្វីៗដែលខ្ពស់ហួសពីមនុស្ស។