លទ្ធិប្រជាធិបតេយ្យមានសារប្រយោជន៍ដូចជា
– ប្រជាពលរដ្ឋមានសិទ្ធិក្នុងការបោះឆ្នោតរើសតំណាងរបស់ខ្លួន និងមានសិទ្ធិឈរឈ្មោះអោយគេបោះឆ្នោត
– ប្រជាពលរដ្ឋមានសិទ្ធិក្នុងការនិយាយ មតិយោបល់ ឬបង្កើតសមាគម គោរពជំនឿសាសនារបស់ខ្លួន និងសិទ្ធិស្មើគ្នាចំពោះមុខច្បាប់
– រាល់ការគ្រប់គ្រងនិងដឹកនាំ ត្រូវបានប្រព្រឹត្តឡើងទៅតាមច្បាប់ តាមឆន្ទៈរបស់ពលរដ្ឋ
– ប្រជាពលរដ្ឋគ្រប់រូបមានសិទ្ធិក្នុងការបង្កើតគណបក្សនយោបាយ សិទ្ធិប្រជុំ សិទ្ធិធ្វើកូដកម្ម ឬបាតុកម្ម សមស្របតាមច្បាប់កំណត់និងមានសិទ្ធិអាចធ្វើបណ្ដឹងសាទុក្ខ ទៅលើការកាត់ក្ដីរបស់តុលាការដែលខ្លួនយល់ថាមានការលំអៀង និងអយុត្តិធម៌។

លទ្ធិប្រជាធិបតេយ្យ គេបែងចែកអំណាចជា៣៖
– អំណាចនីតិប្បញ្ញត្តិមានកាតព្វកិច្ចពីរយ៉ាង គឺកាតព្វកិច្ចធ្វើច្បាប់ និងតាមដានប្រសិទ្ធភាពនៃការអនុវត្តច្បាប់។
– អំណាចនីតិប្រតិបត្តិ គឺជាអំណាចមួយដែលមានមុខងារដឹកនាំប្រតិបត្តិនយោបាយក្នុងនិងក្រៅប្រទេសទៅតាមច្បាប់និងកម្មវិធីនយោបាយដែលរដ្ឋសភាបានផ្ដល់សេចក្ដីទុកចិត្តរួចហើយ។
– អំណាចតុលាការ គឺជាអំណាចមួយដែលមានភាពឯករាជ្យ នោះទើបអាចរក្សាបាននូវយុត្តិធម៌សង្គម ការពារផលប្រយោជន៍ប្រជាពលរដ្ឋ និងការគោរពសិទ្ធិមនុស្ស។