មានដូចជា៖
• នៅតាមសាលាខ្លះក្នុងប្រទេសកម្ពុជាយើងសាលារៀនស្ថិតក្នុងវត្តអារាម
• ភិក្ខុសង្ឃជួយបង្រៀនកូននេនតូចមិនចេះអក្សរ

ព្រះពុទ្ធសាសនាថេរវាទនៅកម្ពុជាមានការវិវត្ត ដូចជា៖
– មុនពេលសង្គ្រាម
ប្រជាជនខ្មែររួមទាំងអ្នកដឹកនាំប្រទេស បាននាំគ្នាគោរពសាសនាថេរវាទ ព្រោះគេយល់ថាព្រះ ពុទ្ធសាសនាថេរវាទនេះ អាចឱ្យពួកគេទីពឹង និងជឿ ជាក់ថា អាចនាំពួកគេទៅរកសេចក្តីសុខបាន។
ទីអារាមជាកន្លែងសម្រាប់បណ្តុះបណ្តាលអ្នកចេះដឹង អក្សរសាស្ត្រខ្មែរ អ្នកប្រាជ្ញ អ្នកនយោបាយ អ្នកអប់រំ ពេទ្យ ទីពំនាក់អាស្រ័យដល់ជនទីទាល់ក្រ ជាបណ្ណាល័យ និងជាទីសម្រាប់ផ្សះផ្សាផ្លូវចិត្តដល់ប្រជាពលរដ្ឋខ្មែរ។ វត្តអារាម ជាទីកន្លែងដែលប្រជាពលរដ្ឋជួបជុំ ធ្វើការងារសង្គម ប្រារពពិធីសាសនាផ្សេងៗ ផ្សព្វផ្សាយព័ត៌មាន កន្លែងដោះស្រាយទំនាស់ និងកម្មវិធីប្រពៃណី ទំនៀមទំលាប់ផ្សេងៗទៀត។
– កំឡុងពេលសង្គ្រាម
ព្រះពុទ្ធសាសនា បានជួបប្រទះនឹងវិបត្តិ សេរីភាពនៃការគោរពជំនឿសាសនាត្រូវបានលុបបំបាត់ចោល ទាំងស្រុង។ វត្តអារាមរបស់ព្រះពុទ្ធសាសនាក៏ដូចជាសាស នាដទៃទៀត ត្រូវបានគេយកធ្វើជាជង្រុកដាក់ស្រូវ ទ្រុងជ្រូក ឃ្លាំងសម្ភារៈ ឬមមន្ទីរឃុំឃាំងមនុស្ស។ ព្រះសង្ឃត្រូវបានចាប់ផ្សឹក ឬធ្វើគុតអស់ជាច្រើនអង្គ។ ព្រះវិហារ កុដិ សាលាធម្មវិន័យ សាលាឆាន់ ព្រះពុទ្ធបដិមាត្រូវបានបំផ្លិច បំផ្លាញយ៉ាងធ្ងន់ធ្ងរ ហើយវត្តដទៃទៀតដែលនៅសេសសល់ ក៏ត្រូវខូចខាតខ្លាំង ដែរ។ ចំណែកគម្ពីរដីកា ដែលរក្សាទុកនៅតាមវត្តទាំងឡាយ ក៏ត្រូវវិនាសអន្តរាយស្ទើរគ្មានសល់។
– ក្រោយសង្គ្រាម
ព្រះពុទ្ធសាសនាត្រូវបានស្ដារឡើងវិញតាមរយៈការជួសជុល ឬសាងសង់ព្រះវិហារ កុដិ វត្តអារាម និងពិធីបំពេញផ្នួសឡើងវិញរបស់អតីតបុព្វជិត។ រដ្ឋធម្មនុញ្ញនៅសម័យរដ្ឋកម្ពុជា បានកំណត់ថា ព្រះពុទ្ធសាសនា ជាសាសនារបស់រដ្ឋ។ ព្រះរាជា ណាចក្រកម្ពុជាទី២ បានបើកទូលាយការអភិវឌ្ឍ វិស័យជំនឿសាសនា ដែលធ្វើឱ្យចំនួនវត្តអារាម ព្រះសង្ឃ និងវិស័យពុទ្ធិកសិក្សានៅកម្ពុជាមានការកើនឡើងជាលំដាប់ផងដែរ។