និស្ស័យគឺជាបច្ច័យ ជាគ្រឿងអាស្រ័យរបស់បព្វជិតមាន៤ប្រការ គឺ៖
-ការចិញ្ចឹមជីវិតដោយបិណ្ឌបាត
-ការប្រើប្រាស់ស្បង់ចីវរធ្វើដោយសំពត់បង្សកូល ឬដោយពុទ្ធបរិស័ទយកប្រគេន
-ការព្យាយាមអាស្រ័យនៅក្រោមម្លប់ឈឺជាសានាសនៈ ឬអនុញ្ញាតឱ្យគង់នៅក្នុងកុដិ ទីវត្ត
-ការឆាន់ឬការប្រើប្រាស់ថ្នាំសម្រាប់ព្យាបាលជំងឺ ឬអនុញ្ញាតឱ្យប្រើភេសជ្ជៈដូចជាទឹកដោះគោ ទឹកឃ្មុំ និងទឹកអំពៅបានដែរ។

+តួនាទីភិក្ខុសង្ឃក្នុងព្រះពុទ្ធសាសនាគឺ
-ត្រូវគោរពប្រតិបត្តិតាមព្រះវិន័យដែលព្រះសម្មាសម្ពុទ្ធបានបញ្ញត្តិទុក
-ថែរក្សា និងការពារលទ្ធិដែលមានចែងក្នុងព្រះពុទ្ធសាសនា
-សិក្សាបរិយត្តិធម៌គឺសិក្សាសំខាន់ក្នុងគម្ពីរព្រះត្រៃបិដកមានវិន័យ ព្រះសូត្រ និងព្រះអភិធម្ម
-បដិបត្តិគឺយកធម៌វិន័យដែលសិក្សាហើយមកបដិបត្តិតាមត្រៃសិក្ខា មានសីល សមាធិ បញ្ញា។
+តួនាទីភិក្ខុសង្ឃក្នុងសង្គម
-យកព្រះធម៌ទៅប្រៀនប្រដៅ អប់រំដឹកនាំពុទ្ធបរស័ទឱ្យប្រព្រឹត្តអំពើល្អ ស្គាល់បុណ្យ បាប គុណទោសតាមរយៈការសម្ដែងធម៌ទេសនា
-យកព្រះធម៌ទៅណែនាំជនដែលមានវិបត្តិផ្លូវចិត្ត ឬមានវិវាទនឹងគ្នាដោយឱ្យភាគីវិវាទទាំងសងខាងដោះស្រាយបញ្ហាជាមួយគ្នាដោយសន្តិវិធី។
-ផ្ដូចផ្ដើមគំនិតក្នុងការកសាងសមិទ្ធិផលសង្គមផ្សេងៗមាន សាលារៀន មន្ទីរពេទ្យ ផ្លូវថ្នល់ជាដើម
-ចូលរួមចំណែកក្នុងកិច្ចការស្វែងរកសន្តិភាពសម្រាប់មនុស្សជាតិដូចជាការធម្មយាត្រា បួងសួងសុំសន្តិភាពជាដើម។