សិទ្ធិមនុស្សចែកចេញជា៥ប្រភេទ មាន៖
– សិទ្ធិពលរដ្ឋ(សិទ្ធិផ្ទាល់ខ្លួន)
– សិទ្ធិនយោបាយ
– សិទ្ធិសេដ្ឋកិច្ច
– សិទ្ធិសង្គមកិច្ច
– សិទ្ធិវប្បធម៌

អត្ថន័យសិទ្ធិមនុស្សត្រូវបានគេបកស្រាយខុសៗគ្នា
– សិទ្ធិមនុស្ស គឺជាសិទ្ធិដែលធ្វើឲ្យមានលទ្ធភាពនឹងរស់រានបាន ដូចជាសិទ្ធិរស់រានមានជីវិត សិទ្ធិទទួលចំណីអាហារគ្រប់គ្រាន់ សិទ្ធិធ្វើឲ្យមានជីវិតរស់នៅប្រកបដោយគុណតម្លៃ សិទ្ធិឲ្យគេប្រព្រឹត្តមកលើខ្លួនក្នុងភាពជាមនុស្សជាដើម។
– សិទ្ធិមនុស្ស គឺជាសិទ្ធិដែលមានមកពីធម្មជាតិផ្ទាល់របស់មនុស្ស ហើយបើគ្មានសិទ្ធិនេះទេ គឺគេពុំអាចរស់នៅជាមួយគ្នាបានឡើយ។

ពលរដ្ឋ គឺជាប្រជាជនទាំងប្រុស ទាំងស្រីដែលមានកម្លាំងកាយ ប្រាជ្ញា ស្មារតី គ្រប់គ្រាន់សម្រាប់ធ្វើសកម្មភាពដោយសេរីតាមបំណង់ និងចំណង់ចំណូលចិត្តរបស់ខ្លួនដោយស្ថិតនៅក្នុងក្របខណ្ឌច្បាប់ ដើម្បីចូលរួមការពារនិងអភិវឌ្ឍសង្គម និងដោយមានអាយុចាប់ពី 18ឆ្នាំឡើងទៅ ហើយដែលត្រូវបានចាត់ទុកជាកម្លាំងស្នូលរបស់ប្រទេសជាតិ។